Comemoracion del Muerte de Jesus
Lunes, Marzo 22, 2027
Una vez na un año, el maga Testigo de Jehova ta comemora con el muerte de Jesus como cosa le ya manda cuando ya habla le: “Hace este para acorda conmigo.”—Lucas 22:19, El Nuevo Testamento na Chavacano.
Ta invita kame contigo y con el de tuyu familia que atende na este ocasion.
Maga Comon Pregunta
Quien puede atende?
Puede atende maskin quien. Puede tu lleva con el de tuyu amigo, amiga y con el de tuyu familia.
Paquemodo de largo este programa?
Hay alcanza este maga un hora.
Onde con este hace?
Para sabe el detalle acerca na de ustedes lugar, man contact con el maga Testigo de Jehova.
Tiene ba pago si atende o tiene ba yo obligacion que atende na sunod miting?
Nuay.
Tiene ba coleccion que hay hace alla?
Nuay. Gendeh kame ta colecta sen na diamon maga miting.—Mateo 10:8.
Cosa debe usa aquellos quien atende?
Nuay especifico instruccion si cosa debe usa. Pero, el maga Testigo de Jehova ta pricura muda na manera que ta dale mira respeto para na ese sagrao ocasion.
Cosa ta hace na Comemoracion?
Tiene un discurso acerca na importancia del muerte de Jesus y si paquemodo kita puede beneficia na cosa ya hace el Dios y el Cristo para kanaton. El programa hay principia y acaba por medio na un cancion y rezo.
Para na mas detalle, mira con el articulo “Porque Otro el Manera del Maga Testigo de Jehova si Ta Comemora con el Cena del Señor?”
Cuando hay hace con el Comemoracion na sunod maga año?
2027: Lunes, Marzo 22
2028: Domingo, Abril 9
2029: Jueves, Marzo 29
Baka Gusta Tambien Tu
COMEMORACION
Acorda el Muerte de Jesus
Alegre kame invita contigo para atende con este importante ocacion. Hay aprende tu si paquemodo tu beneficia na vida y muerte de Jesus.
MAGA IMPORTANTE ENSEÑANZA NA BIBLIA
Porque Ya Muri si Jesus?
El Biblia ta dale grande importancia con el muerte de Jesus. Tiene ba proposito el de suyu muerte?
OTRO MAGA TOPICO
Beneficia na Sacrificio de Jesus
Cosa el dos importante cosas que ya enseña si Jesus kanaton que hace para puede beneficia na de suyu muerte?
ACERCA KANAMON
Atende na un Miting
Sabe mas acerca na diamon maga miting. Busca locacion de miting que cerca con ustedes.