Ri Jehová rukʼamon nqakuqubʼaʼ qakʼuʼx chi rij rikʼin ronojel qanima. Ri nel chi tzij ri rubʼiʼ nubʼän chi qe chi nqanimaj chi rijaʼ nubʼän ronojel ri rubʼin. Ri yojchʼon rikʼin ri Dios nukowirisaj ri qakuqubʼabʼäl kʼuʼx. Ri capítulo 3 chi re ri Proverbios nubʼij chi we röj nqakuqubʼaʼ qakʼuʼx rikʼin ri Jehová, rijaʼ nukʼwaj ri qabʼey.

¿Achike nubʼän ri winäq ri nunaʼ chi kan kʼo runaʼoj?

3:5-7

  • Nubʼän ri nrajoʼ rijaʼ, man nukʼulbʼej ta nabʼey ri Jehová.

  • Más nukuqubʼaʼ rukʼuʼx chi rij rijaʼ chuqaʼ chi rij ri nkibʼij ri más winäq.

¿Achike nubʼän ri winäq ri nukuqubʼaʼ rukʼuʼx chi rij ri Jehová?

  • Nutijoj riʼ chi rij ri Biblia, nchʼobʼon (nnukun) chi rij ri nusikʼij chuqaʼ nchʼon rikʼin ri Jehová richin nkʼiyïr ri rachibʼilanik rikʼin.

  • Toq kʼo jun nrajoʼ nubʼän, nabʼey nukʼulbʼej ri Jehová. Richin nubʼän riʼ, nunikʼoj ri Ruchʼabʼäl.

¿ACHIKE NINBʼÄN RÏN TOQ KʼO JUN NINWAJOʼ NINBʼÄN PA NUKʼASLEM?

NABʼEY ninchaʼ ri nintzʼët rïn chi ja riʼ ri más ütz.

NABʼEY yichʼon rikʼin ri Jehová richin ninkʼutuj nutoʼik chuqaʼ nintijoj wiʼ pa nuyonil.

KʼA RIʼ ninbʼij chi re ri Jehová chi tuyaʼ urtusanïk pa ruwiʼ ri ninbʼän.

KʼA RIʼ ninbʼän ri nubʼij ri Jehová chupam ri Ruchʼabʼäl.