Chupam ri capítulo 31 chi re ri Proverbios nqïl jun utziläj naʼoj ri xyaʼöx chi re ri Lemuel, ri qʼatöy tzij, ruma ri ruteʼ. Ri utziläj naʼoj riʼ, xukʼüt chuwäch ri Lemuel achike kʼo chi nutzʼët chi rij jun xtän richin nok jun utziläj ixjayilonel.

Ri utziläj ixjayilonel nakuqubʼaʼ akʼuʼx chi rij

31:10-12

  • Toq kʼo jun najowatäj njal pa jay, rijaʼ nubʼij apo ri nuchʼöbʼ (nunuk). Ja kʼa man xtuqasaj ta ruqʼij ri xtubʼij ri rachijil.

  • Ri rachijil rukuqubʼan rukʼuʼx chi ri rixjayil retaman ri nubʼän chuqaʼ man royobʼen ta chi ronojel mul nukʼutuj na qʼij chi re.

Ri utziläj ixjayilonel jun samajel ixöq

31:13-27

  • Pa ruchojmil nukusaj ri pwäq. Chuqaʼ rukʼwan jun kʼaslem ri man jampeʼ ta rubʼanik richin chi ri ral chuqaʼ ri rachijil chʼajchʼöj kij, ütz rubʼanik ri kitzyaq chuqaʼ kʼo kiway.

  • Janila nsamäj chuqaʼ yerilij ri ral chuqaʼ ri rachijil pa qʼij chi chaqʼaʼ.

Ri utziläj ixjayilonel nuyaʼ ruqʼij ri Dios

31:30

  • Nuyaʼ ruqʼij ri Dios chuqaʼ nukowirisaj ri rachibʼilanïk rikʼin.