ACHIKE RUMA NKʼATZIN:

Ri videos napon pa kanima ri winäq ruma nkikusaj ri runaqʼ kiwäch chuqaʼ ri kixkïn richin nqʼax chi kiwäch. Ri videos nkibʼän chi ri winäq nkiyaʼ más kixkïn chuqaʼ man chanin ta nkimestaj qa ri nkitzʼët. Ri Jehová rukʼutun chi qawäch chi ütz yeqakusaj tzʼetbʼäl richin yeqatijoj ri winäq (Hch 10:9-16; Ap 1:1).

Ri videos ¿La kʼo rubʼiʼ ri Dios?, ¿Achike xbʼanon ri Biblia? chuqaʼ ¿Achike ruma ütz nqakuqubʼaʼ qakʼuʼx chi ri Biblia qitzij ri nubʼij? nkitzʼaqatisaj ri tanaj 2 chuqaʼ 3 chi re ri wuj Ri utziläj taq rutzijol. Ri videos ¿Achike ruma nqatijoj qiʼ chi rij ri LoqʼoLäj Wuj?, ¿Achike rubʼanik jun tijonïk chi rij ri Loqʼoläj Wuj? chuqaʼ ¿Achike nbʼan ri pa qamolojriʼïl? xkerutoʼ ri winäq richin nkajoʼ nkitijoj kiʼ chi rij ri Biblia o yebʼe pa molojriʼïl. Man xa xe ta riʼ, jujun chi ke ri películas chuqaʼ documentales ütz nqakʼüt chuwäch ri tijoxel toq nqayaʼ rutijonïk (km 5/13 ruxaq 3).

RUBʼANIK NQABʼÄN CHI RE:

  • Tqaqasaj apo ri video ri nqajoʼ nqakʼüt chuwäch ri winäq.

  • Tqakanoj el jun o kaʼiʼ kʼutunïk ri nqajoʼ nqabʼän chi re ri winäq ri nqʼalajrisäx chupam ri video.

  • Tqatzʼetaʼ ri video junan rikʼin ri winäq.

  • Kojtzijon chi kij ri naʼoj ri kʼo más kejqalem.

ÜTZ NQABʼÄN REʼ:

  • Xa bʼa achike tratado nqakusaj, tqakʼutuʼ apo ri código ri kʼo pe chi rij, ri yojrutäq rikʼin ri video ¿Achike ruma nqatijoj qiʼ chi rij ri LoqʼoLäj Wuj?

  • Tqakʼutuʼ apo ri video ¿Achike ruma ütz nqakuqubʼaʼ qakʼuʼx chi ri Biblia qitzij ri nubʼij? Chi rij riʼ, tqasujuʼ kan ri wuj Ri utziläj taq rutzijol chuqaʼ kojtzijon chi rij ri tanaj 3.