Ri David kʼïy nimaläj taq kʼayewal xuqʼasaj pa rukʼaslem. Toq xutzʼibʼaj ri Salmo 55 xeruqʼasaj yan re kʼayewal reʼ:

  • Xyoqʼöx

  • Xoqotäx

  • Xqʼaxon ranima ruma xmakun

  • Xepe kʼayewal pa rachoch

  • Xyawäj

  • Xeyakatäj chi rij

Stapeʼ xuqʼasaj nimaläj taq kʼayewal ri achiʼel ta majun nkochʼon richin, ri David xukanoj rubʼanik richin xqʼax chi kiwäch. Ri naʼoj nuyaʼ rijaʼ chi ke ri nkinaʼ achiʼel xunaʼ rijaʼ, ja reʼ: «Tayaʼ pa ruqʼaʼ ri Jehová» ronojel ri akʼayewal.

¿Achike rubʼanik nqasamajij re salmo reʼ wakami?

55:22

  1. Kojchʼon rikʼin ri Jehová, tqajaqaʼ ri qanima ke riʼ tqatzijoj ronojel ri qakʼayewal chi re.

  2. Tqakanoj qatoʼik chupam ri Ruchʼabʼäl ri Jehová chuqaʼ pa rutinamit.

  3. Tqabʼanaʼ ronojel ri kʼo pa qaqʼaʼ richin nqasöl ri qakʼayewal, xa xe mani nqaqʼäj rupixaʼ ri Jehová.