Ronojel junaʼ janila yojkikot ruma ri nimaläj nimaqʼij: ri nimamolojriʼïl richin oxiʼ qʼij. Ruma nqajoʼ chi más winäq nketamaj chi ri Jehová ütz runaʼoj, xtqakanoj rubʼanik richin xkeqabʼän invitar jarupeʼ na chi winäq ri yojtikïr (Sl 34:8). Ja ri ukʼwäy taq bʼey chupam ri jujun congregación xkebʼin achike rubʼanik más ütz xkejach ri invitaciones.

MAN TQAMESTAJ RE NAʼOJ REʼ

  • ¿Jampeʼ xtbʼan ri qanimamolojriʼïl?

  • ¿Jampeʼ xtitikirisäx rujachik ri invitaciones pa qa-congregación?

  • ¿Jampeʼ xkebʼan ri molojriʼïl richin xtqatzijoj ri Ajawaren?

  • ¿Achike samaj xtinyaʼ apo chi nuwäch toq xtinjäch ri invitaciones?

  • ¿Achike winäq xkenbʼän invitar?

¿ACHIKE XTQABʼIJ APO?

Toq xqayaʼ yan rutzil ruwäch ri winäq ütz nqabʼij:

«Najin nqajäch jun wuj ronojel ruwachʼulew richin yeqabʼän invitar ri winäq chupam jun nimamolojriʼïl ri janila rejqalem. Ri qʼij, ri hora chuqaʼ akuchi (apeʼ) xtbʼan wi, kʼo pe chuwäch ri invitación. Nqajoʼ chi yatapon qikʼin».

KEQATOʼ RI NKAJOʼ NKETAMAJ MÁS

Röj nqajoʼ yeqabʼän invitar chupam ri nimamolojriʼïl jarupeʼ na chi winäq ri yojtikïr. Ja kʼa, kʼo chi nqatzʼët achike rubʼanik yeqatoʼ ri nkajoʼ nketamaj más chi rij ri Ruchʼabʼäl ri Dios.

Ri sábado chuqaʼ ri domingo ütz nqasüj kan ri revista junan rikʼin ri invitación.