Yaqʼax chupam ri rupam

¿Achike rubʼanik xetikïr pe ri ruqʼalajrisanelaʼ ri Jehová?

¿Achike rubʼanik xetikïr pe ri ruqʼalajrisanelaʼ ri Jehová?

Ri ruqʼalajrisanelaʼ ri Jehová xetikïr pe pa siglo 19. Chupam kan ri siglo riʼ, jun chʼutiʼ molaj tijoxelaʼ chi rij ri Loqʼoläj Wuj xkitikirisaj jun nimaläj tijonïk chi rij ri Ruchʼabʼäl ri Dios. Ri tijoxelaʼ riʼ e aj Pittsburgh (Pensilvania, Estados Unidos). Rijeʼ xkijunumaj ri naʼoj ri qas nukʼüt ri Loqʼoläj Wuj rikʼin ri nkikʼüt ri iglesias. Ri xketamaj, xkitzijoj chi ke ri winäq. Chuqaʼ xkibʼän libros, xekitzʼibʼaj tzijonem richin yeʼelesäx chupam ri periódicos chuqaʼ xkibʼän jun revista ri wakami ri etaman ruwäch pa qachʼabʼäl Ri Nyaʼon Rutzijol ri Rajawaren ri Jehová.

Jun chi ke ri tijoxelaʼ riʼ, xubʼiniʼaj Charles Taze Russell. Stapeʼ ri Russell ri nabʼey xbʼanon ri revista Ri Nyaʼon Rutzijol chuqaʼ ri xukʼwan bʼey pa ruwiʼ ri tijonïk chi rij ri Loqʼoläj Wuj ri pa siglo 19, riʼ man nubʼän ta chi ja rijaʼ xyaʼon rutikirisabʼäl jun kʼakʼaʼ religión. Ri xrajoʼ ri Russell chuqaʼ ri chʼaqa chik Tijoxelaʼ chi rij ri Loqʼoläj Wuj, ja ri nkiyaʼ rutzijol ri naʼoj xerukʼüt kan ri Jesús. Chuqaʼ nkiyaʼ ruqʼij ri Dios achiʼel xbʼan chupam ri congregación ri pa nabʼey siglo. Röj qetaman chi ja ri Jesús ri xyaʼon rutikirisabʼäl ri cristianismo, ruma riʼ qʼaxnäq chi qawäch chi ja ri Jesús ri xyaʼon kan rutikirisabʼäl ri qamoloj (Colosenses 1:18-20).