Yaqʼax chupam ri rupam

Yaqʼax rikʼin ri rukaʼn samajibʼäl

Ruq’alajrisanela’ ri Jehová

kaqchikel

¿Nkinimaj ri Jesús ri ruqʼalajrisanelaʼ ri Jehová?

¿Nkinimaj ri Jesús ri ruqʼalajrisanelaʼ ri Jehová?

Jaʼ. Röj nqanimaj ri Jesús, rijaʼ xubʼij: «Ja rïn ri bʼey, rïn ri qitzij y ja rïn chuqaʼ ri kʼaslem. Xa xe kʼa ri xtniman wichin xtapon rikʼin ri nataʼ» (Juan 14:6). Röj qitzij qaniman chi ri Jesús xpe chi ruwachʼulew richin xuyaʼ ri rukʼaslem pa kamïk quma röj (Mateo 20:28). Nqanimaj chi ri rukamik chuqaʼ ri rukʼasojixik ri Jesús nubʼän chi konojel ri nkikuqubʼaʼ kikʼuʼx rikʼin rijaʼ xtkïl kikʼaslem man kʼisel ta (Juan 3:16). Chuqaʼ nqanimaj chi ja rijaʼ ri nqʼaton tzij pa Rajawaren ri Dios chuqaʼ chi xa bʼaʼ chik apo xtukʼäm pe uxlanibʼäl kʼuʼx chi ruwachʼulew (Apocalipsis 11:15). Qetaman kʼa chuqaʼ chi ri Jesús xubʼij chi rij ri Rutataʼ: «Rijaʼ más wi kʼa ruqʼij ke chi nuwäch rïn» (Juan 14:28). Röj nqanimaj re tzij reʼ, ri man nqanimaj ta, chi ri Jesús junan rikʼin ri Dios. Ruma riʼ ja ri Dios, ri kʼo ronojel uchuqʼaʼ pa ruqʼaʼ, nqayaʼ ruqʼij.