¿ACHIKE RUMA NKʼATZIN?

Ri Biblia nubʼij chi «ronojel ri tzʼibʼatäl, kan ja ri Dios ri xbʼanon chi xtzʼibʼatäj kan» (2 Timoteo 3:16). We qitzij chi ke riʼ, nel chi tzij chi ri Biblia ütz nukʼwaj ri abʼey.

¿ACHIKE KAMI XTABʼÄN RAT?

Tachʼobʼoʼ (tanukuʼ) reʼ: Ri David najin nbʼiyin pa jun bʼey chaqʼaʼ, ruma janila qʼequʼm man retaman ta akuchi (apeʼ) kʼo wi, ja riʼ toq xunabʼej chi sachnäq. Rikʼin bʼaʼ toq petenäq xa xujäl pe rubʼey y ruma riʼ xsach.

Xa ta rat at David, ¿achike ta kami xtabʼän?

NABʼEY TATZʼETAʼ RI XTABʼÄN

Kʼo oxiʼ opciones chawäch:

  1. Nakʼutuj chi re jun winäq achike rubʼanik yatapon.

  2. Nakusaj jun linterna.

  3. Xa xe yabʼiyin más y nakuqubʼaʼ akʼuʼx chi xtawïl ri bʼey ri nawajoʼ yabʼe.

Jebʼël nqʼalajin chi ri opción C man ütz ta.

Ri opción B más ütz chuwäch ri nabʼey opción, ruma ri linterna nusaqirisaj ri abʼey y xtqʼalajin chawäch akuchi (apeʼ) nawajoʼ yatapon.

Ke riʼ bʼaʼ rubʼanik yarutoʼ ri Biblia.

Ri wuj ri más kʼayin ronojel Ruwachʼulew nkowin...

  • nuyaʼ anaʼoj richin yaqʼax chi kiwäch ri kʼayewal.

  • yarutoʼ richin nawetamaj achike qas kʼo pa awanima chuqaʼ más ütz xtubʼän chi re ri anaʼoj.

  • nukʼüt chawäch achike rubʼanik nakʼwaj jun utziläj kʼaslem.

 NIMALÄJ TAQ KʼUTUNÏK RI YEQABʼÄN PA QAKʼASLEM

Kan xa xe toq nqetamaj yojchʼon pe, yeqabʼän kʼutunïk:

  • ¿Achike ruma xar ri kaj?

  • ¿Achike ruma e kʼo ri chʼumil?

Chi rij riʼ, yeqabʼän kʼutunïk chi rij ri yebʼanatäj chi Ruwachʼulew:

  • ¿Achike ruma yebʼanatäj ri itzelal?

  • ¿Achike ruma yojkäm?

¿Awetaman rat chi ri Biblia yeruqʼalajrisaj re kʼutunïk reʼ?

E kʼïy winäq yebʼin chi ri Biblia xa ruyon tzʼukun taq naʼoj e kʼo chupam, xa xqʼax yan kan ruqʼij o chi kʼayew nqʼax chawäch. Ja kʼa, ¿kan qitzij riʼ? ¿Qitzij ri nkibʼij chi rij ri Biblia? ¿O xa tzʼukun taq tzij?

Jun tzʼetbʼäl. E kʼo winäq nkinimaj chi ri Biblia nubʼij chi ja ri Dios kʼo pa ruwiʼ ri Ruwachʼulew. ¿Kan qitzij kami riʼ? Ri kʼaslem chi Ruwachʼulew kan itzel rubʼanon. Xa bʼa akuchi (apeʼ) na nqatzʼët tijoj poqonal, yabʼil, kamïk, wayijal, kabʼraqän chuqaʼ kaqʼiqʼ taq jöbʼ. Röj qetaman chi ri Dios janila yojrajoʼ. We ke riʼ, ¿ja rijaʼ ri nbʼanon chi kʼo ronojel kʼayewal riʼ?

¿Nawajoʼ nawetamaj achike nqʼaton tzij pa ruwiʼ ri Ruwachʼulew? Ri nubʼij ri Biblia chi rij riʼ, ¡kan xtqa chawäch!

Rat atzʼeton pe chi ri naʼoj e kʼo chupam re folleto reʼ, chupam ri Biblia elesan pe. Ri testigos de Jehová kiniman chi ri Biblia jun wuj ri ütz nakuqubʼaʼ akʼuʼx chi rij chuqaʼ ntikïr nukʼwaj abʼey, ruma «ja ri Dios ri xbʼanon chi xtzʼibʼatäj kan. Y ruma riʼ ütz nukusäx richin tijonïk, [...] richin nqʼalajrisäx chi re jun chik chi tujalaʼ rukʼaslem, chuqaʼ richin nbʼïx achike rubʼanik jun kʼaslem choj» (2 Timoteo 3:16, 17). Ruma riʼ, ütz nubʼän chi rat nanikʼoj ri Biblia, jun ojer wuj ri kʼa yarutoʼ na wakami.