¿La ja ri Dios nyaʼon ri tijoj poqonal?

¿Achike nabʼij rat?

  • Jaʼ

  • Manäq

  • Rikʼin bʼaʼ

Ri nubʼij ri Biblia

«Ri Dios kan majun bʼey kʼa xtubʼän ta jun itzel bʼanobʼäl; [...] jun bʼanobʼäl ri man pa ruchojmilal ta» (Job 34:10). Ronojel ri itzelal chuqaʼ ri tijoj poqonal yebʼanatäj, man ja ta ri Dios nyaʼon pe pa qawiʼ.

¿Achike más nubʼij ri Biblia?

  • Ri nbʼanon chi kʼo tijoj poqonal chi ruwachʼulew, ja ri Satanás, ri «rutataʼal re ruwachʼulew» (Juan 14:30, CR).

  • Chuqaʼ kʼo mul nqatïj poqön chuqaʼ yeqïl kʼayewal ruma ri winäq man ütz ta ri yekibʼän (Santiago 1:14, 15).

¿La kʼo jun qʼij xkekʼis ri tijoj poqonal pa qawiʼ?

E kʼo winäq nkibʼij: We konojel ri winäq nkitün ri kuchuqʼaʼ xketikïr nkikʼïs ruwäch ri tijoj poqonal. Chuqaʼ e kʼo yebʼin chi majun chik achike yatikïr nabʼän richin nkʼis ruwäch ri itzelal. ¿Achike nabʼij rat?

Ri nubʼij ri Biblia

Ri Dios xtukʼïs ruwäch ri tijoj poqonal, «xtubʼän chi xtkʼis el ri qʼaxoʼn y ri jiloj. Kan xtkʼis el chuqaʼ ri kamïk y ri oqʼej» (Apocalipsis 21:3, 4).

¿Achike más nubʼij ri Biblia?

  • Ri Dios xtukusaj ri Jesús richin xtukʼïs ruwäch ri tijoj poqonal ruyaʼon ri Satanás (1 Juan 3:8).

  • Chuwäch ronojel ri Ruwachʼulew xkekʼojeʼ ri utziläj taq winäq. Rijeʼ xtyaʼöx kikʼaslem man kʼisel ta (Salmo 37:9-11, 29).