Ovalhey nava yishi'

Ir al menú secundario

Napi nifaqu’in pa Jeova

nivaĉle

¿Yijôqu’e t’e ti vapeĉleic’oya jayu ca mônlhaasha’ne papi vafsha’ne?

¿Yijôqu’e t’e ti vapeĉleic’oya jayu ca mônlhaasha’ne papi vafsha’ne?

¿Lheĉlôjeshtaj...

  • ... jech?

  • ... ame?

  • ... tam’ei?

 PA YIT’ESH PA BIBLIA

“Pa Dios ti yinenjatchishamch’e capi vafsha’ne.” (Hechos 24:15, PA DIOS TASINÔYJOOM NÔQUEESH).

SHINISIYAN CA SHTANTÔ’YA CÔQUE

Ti vafsha’ne papi shten, shinshanat jayu pa yishi’ pa Biblia (2 Corintios 1:3, 4).

Tan ca shtanjovaijulh jum pa vatvafi’ (Hebreos 2:15).

Yijô’joom jô pa is vatcaĉleĉliyash’in ti shtavatvanelh jayu capi shtenenelhsha’ne (Juan 5:28, 29).

 ¿ISJOP CA SHT’UESHCH’E PAVA YIT’ESH PA BIBLIA?

Jech, shtavan nava pu’jana tô’lheishijop nôqueesh:

  • Pa Dios yivĉlanjat pa vatmônlhajayash. Pa Biblia yit’esh “lhavaatsha ti yijutem lhacôm’a pa lhamônlhajayash” (Hechos 17:24, 25; Salmo 36:9). Pa Dios yivĉlanjat lhacôm’a papi nivaĉle chi’ pava yacquisitis. Côque nôĉlit ti caajem pa t’unaj jaspa ninenjatchishamch’e papi vafsha’ne.

  • Lhapesh pa Dios yinenjatchishamch’e papi vafsha’ne. Pa Biblia nifac ti chinenjatchishamch’e papi ocho ti vapeĉlei ti mônlhasha’ne yi’e na cotsjaat. Lhech papi nivaĉle, papi nivaĉchey, papi pitosshisha’ne chi’ papi tiqu’icsha’ne. Caaj papi na yi’e vafsha’ne ti netshamch’e tatsha, taj paelh nivaĉle, cuatro pava lhnalhusch’e ti vaf ti chinenjatchisham (Juan 11:39-44).

  • Pa Dios yen jum ca ninenjatchishamch’e papi vafsha’ne. Pa Jeova ninancôtsitayesh pa vatvafi’, yit’esh pa lhech ti lhjunashjulh pa nivatac’utsfaa (1 Corintios 15:26). Lhe’naa ti yichenesh jayu pa vatneetshamjayash jaspa nitifch’een jayu côque nivatac’utsfaa, pa vatvafi’. Pa Dios yen ca nasnatesh côque. Pa lhech yaichavalhch’e papi vafsha’ne. ¿She pa vaĉlanem jayu papi lhech? Pa Jeova yen ca mônlhaa’e ts’ivee shta na cotsjaat (Job 14:14, 15).

 ATANIÔSESH

¿Ta t’e lhayaash ti shtanc’utsjansha’ne chi’ ti shtavafelhsha’ne?

Lhavan jayu pa yit’esh pa Biblia yishi’ ca GÉNESIS 3:17-19 chi’ ca ROMANOS 5:12.