Ovalhey nava yishi'

Napi nifaqu’in pa Jeova

Avo'oishi na vatĉliish nivaĉle

¿Ta ajunashesh pa Biblia?

¿Ta ajunashesh pa Biblia?

¿Lheĉlôjeshtaj lhech...

  • ... pa vatqu’isjayanach lhcajôisha papi nivaĉle?

  • ... pa vatqu’isjayanach ti chaich’e lhôn papi nivaĉle?

  • ... pava Dios Lhasinôc?

 PA YIT’ESH PA BIBLIA

“Lhacôm’a nava isis Vani’sesh’e ti tôlhshaam pa Dios.” (2 Timoteo 3:16, PA DIOS TASINÔYJOOM NÔQUEESH).

SHINISIYAN CA SHTANTÔ’YA CÔQUE

Shtavanshi jayu pava chinculheshjulh yijô’ jô pava shtataniôsesh (Proverbios 2:1-5).

Pa is vanôyinjoc’oya na casmônlhajayash (Salmo 119:105).

Caajjoom jayu pa vatcaĉleĉliyash’in pava nijo’oilha nalhus (Romanos 15:4).

 ¿ISJOP CA SHT’UESHCH’E PAVA YIT’ESH PA BIBLIA?

Jech, shtavan nava pu’jana tô’lheishijop nôqueesh:

  • Nive’lhaesh ca venat’ônasheshch’evatjulh. Chiyilheĉlôjesh papi cuarenta nivaĉle ti yisesh’e pa Biblia yicheshch’e pava mil seiscientos yincôpis. T’esheitaj ca lhacôm’aa papi lhech ti nive’lhaesh ca nivatvansha’ne. Lhacôm’a yishi’ pa Biblia caajem pa ve’lha vataichavalhjayash.

  • Ti chiyit’esh yajatesh pa yijô’. Papi yisesh’e pa Biblia lhapesh ti ninfiich pava sasch’esha’ne chi’ papi lhchifas, taj pap’elh ti yisesh’e pava vaĉlan, aĉlojesh’in ninchaich’e ti chiyash’apee papi lhchifas (2 Crónicas 36:15, 16; Salmo 51:1-4).

  • Pava chichaijulh yajatesh ti yôfisch’e. Pa Biblia apis ti nifac ti 2.000 yincôpisch’e ti caaj jayu pava tavi’jatai chi’ pa lhfanishlhavach papi nivaĉle (Mateo 24:7, 8; 2 Timoteo 3:1-5).

    Caaj pav’elh aĉloj chichaijulh ti apis ti yôfisch’e lhacôm’a. Lhe’naa ti yijô’joom jô, pa Biblia lhech pava Dios Lhasinôc (2 Pedro 1:21).

 ATANIÔSESH

¿Ta lhjunash ti isjop ca nits’efen pava Dios Lhasinôc?

Lhavan jayu pa yit’esh pa Biblia yishi’ ca ISAÍAS 48:17, 18 chi’ ca 2 TIMOTEO 3:16, 17.