Ovalhey nava yishi'

Ir al menú secundario

Napi nifaqu’in pa Jeova

nivaĉle

¿She pa lhaichavalhey pava amc’oya nalhus?

¿She pa lhaichavalhey pava amc’oya nalhus?

¿Lheĉlôjeshtaj nava vaĉlan navôque nalhus...

  • ... ca lhetlha lhjunasha?

  • ... ca niysa’ jum?

  • ... ca isa’ jum?

 PA YIT’ESH PA BIBLIA

“Ja Dios yicle’shemch’e jayu lhacôm’a java lht’ec ts’ivee. Pa tan jayu ca nivafsha’ne, pa tan shta ca napvatsham’in, pa tanca nitafshiych’e, pa tanca nanchavaaylhatay, lhayaash lhacôm’a java caaj lhapesh pa tanca t’ôyi’sheey ca nicaaj.” (Apocalipsis 21:3, 4, PA DIOS TASINÔYJOOM NÔQUEESH).

SHINISIYAN CA SHTANTÔ’YA CÔQUE

Caajjoom jayu pava isis tô’lha pa cascumjat chi’ ti shinshamitjat côque (Isaías 65:21-23).

Pava tavi’jataijoom vô’mesh jayu pa tan ca t’ôyishe’ei ca shtaiyashaysha’ne (Isaías 25:8; 33:24).

Shnôvelhvatcop jayu papi shtantsôt’ajesh chi’ papi catsic’utsfas pa c’uusjoom’in jayu yinjôt (Salmo 37:11, 29).

 ¿ISJOP CA SHT’UESHCH’E PAVA YIT’ESH PA BIBLIA?

Jech, shtavan nava napu’ tô’lheishijop nôqueesh:

  • Pa Dios caajem pa t’unaj ca nôfisjatch’e pa vancape’jayinesh. Pa Biblia nôĉlit pa Dios Yaash pa T’unaj, ampapu ca elhchaa (Apocalipsis 15:3). Pa lhech vancape’jayinesh ti yinich’anatesh jayu yi’e na cotsjaat pa ya’shesh jayu ti is. ¿Isjop ca nôfisjatch’e côque? Jech, isjop ca shtacafiyan pa lhech lhayaash pa Biblia ti yit’esha pa “Dios nisaseemjop lhacôm’a cavôque” (Mateo 19:26).

  • Pa Dios yen ca nôfisjatch’e pa vancape’jayinesh. Yiei pa lhjunash, pa Biblia yit’esh pa Jeova yen jum ca ninenjatchishamch’e papi vafsha’ne (Job 14:14, 15).

    Lhapesh pa Biblia nôĉlit shta, pa Jesús, pa Dios Lhaôs, yivatsjanchatsha’ne papi taiyashaysha’ne. ¿Pa ta t’e lhayaash ti lhech lhjunash ti lhech lhfanishesh? Lhayaash ti yen ca nasnatesh côque (Marcos 1:40, 41). Lhjunashjulh pa Lhtata, pa Jesús yen ca nefen papi suyeshi pana (Juan 5:19).

    Isjop ca shtacafiyan pa Jeova chi’ pa Jesús lhayaash ti yen ca shinefenesh ca c’usajoom’in pava isis amc’oya nalhus (Salmo 72:12-14; 145:16; 2 Pedro 3:9).

 ATANIÔSESH

¿Ta lhfanishesh jayu pa Dios ca ninich’ayanesh pa yi’e nôque cotsjaat ca isa’ jum?

Lhavan jayu pa yit’esh pa Biblia yishi’ ca MATEO 6:9, 10 chi’ ca DANIEL 2:44.