¿Lheĉlojeshtaj...

  • ... lhech pana ti yishi’ lhpa caslhiivte?

  • ... ti chiyijop pa Dios?

  • ... lhech pa vatvaĉleyash yiei pa vôôs?

 PA YIT’ESH PA BIBLIA

“Pa Dios yiey pa vôôs, pa yivclanjatshi jayu pa vatvacleyash ti tan jayu ca chinvômjatshi.” (Daniel 2:44, PA DIOS TASINÔYJOOM NÔQUEESH).

“Pa Dios pa nijutjooy na ve’lha lhaôs, na lhech chiyjuteyjop pa t’unaj ti lhcanvacleesh.” (Isaías 9:6).

SHINISIYAN CA SHTANTÔ’YA CÔQUE

  • Lhech pa vatvaĉleyash yivoyeshch’e ti isjop ca shinefen casve’lha ts’ivee (Isaías 48:17, 18).

  • Tan ca ĉlet’ac’oya pa lhech nich’a nalhu, c’uusjoom’in jayu pa tan ca t’ôyishe’ei ca nicaaj pa vatai’yasha (Apocalipsis 21:3, 4).

 ¿ISJOP CA SHT’UESHCH’E PAVA YIT’ESH PA BIBLIA?

Jech, shtavan nava napu’ tô’lheishijop nôqueesh:

  • Apis ti nôĉlit pa Jesús pava yicaatjat jayu pa Dios Lhanvaĉleyash. Pa lhech yeijatsjanesh papi voqu’eetsham ca nit’aalhshey ca nanchen pa Dios Lhanvaĉleyash chi’ ca chinasnatesh pa yen pa Dios yiei na cotsjaat (Mateo 6:9, 10). Pa Jesús nôĉlit shta pa lhjunash ti chiyôfisch’e jayu nôque vat’alhjayash.

    Ti yi’e na cotsjaat, pa Jesús yicunjansha’ne papi yiyipcunsha’ne, ti yivatsjanchatsha’ne shta papi taiyashaysha’ne chi’ ti yinenjatchishamch’e papi vafsha’ne (Mateo 15:29-38; Juan 11:38-44). Lhech lhjunash, ti nôĉlit pa Jesús pava isis ti yisnatshem jayu papi niqu’ishamem pa Dios Lhanvaĉleyash, lhayaash ti chiyeneyshi pa lhech ca lhcaanvaĉleesh (Apocalipsis 11:15).

  • Nava vaĉlan navôque nalhus nôĉlit pa Dios Lhanvaĉleyash ti yujeeic’oya jum. Lhapesh pa Jesús apis ti nifac ti caaj jayu pava vatvatĉlônjayash, pa yipcu’ chi’ ca nayuuynayuya’ch’e na cotsjaat pa nijo’oilhach’e ti caaj jayu pa vatpiiyash tô’lha pa Dios Lhanvaĉleyash (Mateo 24:3, 7).

    Navôque nalhus shtavanch’e lhacôm’a cavôque. Lhe’naa ti, isjop ca shtacafiyan pa Dios Lhanvaĉleyash, ti yisĉlansha’ne jayu tatsha lhacôm’a pava tavi’jatai ti caaj.

 ATANIÔSESH

¿Ta lhjunash jayu na casmônlhajayash ca cascaanvaĉleeshtaj pa Dios?

Lhavan jayu pa yit’esh pa Biblia yishi’ ca SALMO 37:29 chi’ ca ISAÍAS 65:21-23.