Keimon lidoun ariñahani

Keimon lidoun libiaman menú

Gefentiña luagu Heowá

Garifuna

Ligaburi layusurún ariñahani le híchugubei gürigia hawougua luma burí Cookie

Ligaburi layusurún ariñahani le híchugubei gürigia hawougua luma burí Cookie

Inebehabutu hóundarun gefentiña luagu Heowá lun haricha gürigia lun muburuchaguagüdüniwa lan ariñahani le híchugubei hawougua. Lun hadarirun lanwoun ariñahani libügürü ligaburi tóunigiruni wóundarun to lídanboun sun ubóu ariñahani le híchugubei gürigia hawougua, bagǘ humá ya.

Tidan dugumedu “Ligaburi lounigirún ariñahani le híchugubei gürigia hawougua” afuranguagüdawati ida liña lan lahandilihóun ariñahani le híchugubei gürigia hawougua tun hóundarun gefentiña luagu Heowá. Ǘnabunmeme, hadariruba amu burí lúrudu le afalarúbei lidan páhina lánina Internet le.

Óundaruni Watchtower Bible and Tract Society of New York, Inc. laburemeboun páhina lánina Internet le (lúmagiñe yáagiñe lun lubaruaguóun wagúaruba tun “Óundaruni Watchtower”), uburuguñoun Newayoru óundaruni to ani mama luagu seinsu tawadigimarida, tuguya arihiboun lau hawadigimari gefentiña luagu Heowá lidan sun ubóu luma lau arufudahani tídangiñeti Bíbülia le híchugubei. Merigañein fiu lídangiñe máhina le ídanbei lakipurúa lila páhina lánina Internet le.

Ariñahani le híchugubei gürigia hawougua

Lúnrügübei le unbei híchigei layusurúa ariñahani le híchugubei huougua lidoun páhina lánina Internet le.

Míchugun wabéi ariñahani le híchugubei huougua lidoun páhina lánina Internet le ni ka un, ánheingubeirügü mégeiwa lun ladügǘniwa le hamuriahabei o ariñaga wamaali lan hun; samina wamá lau sun taruman wanigi le lan lúgubu mégeiwa lan lun lagunfulirúniwa lau somu lúrudu o gumadi; megei hamani gumadimatiña o lúrudugu ariñahani ligía; mégeiwa lan lun lichugúniwa fe luagu somu íweruguni o lun manügün lan íweruguni ligía fulasu, lun ñein lan ichouruni luma lun laransehóun somu mégeiti tidan himahinan. Lau hayusuruni páhina lánina Internet le, hánharuña lun wayusuruni ariñahani le híchugubei woun huougua lúnrügü katei burí le írida wamaalibei tidan dugumedu to. Malugurunbadiwa ni murusun lídangiñe ariñahani le híchugubei huougua lidoun páhina lánina Internet le, masansirun wabéi luagu ni kata ani máhayahan wabéi.

Lichugún ariñahani houn amu. Ñeinbei dan hadarirun lidan páhina lánina Internet le somu abürüdǘni le uáguti gayara lan habagüchün lun lanügünün lidoun amu burí páhina lánina Internet le tani amu óundaruni to úmatu adügaadiwa lan daradu lun tadügün somu wadagimanu lidan wiri (kéiburi, tabuichagüdüniwa somu gárada lidan Internet). Híchuguba fe lídanhadün lan páhina lánina Internet le hani amu lugundun lasansiraguba dandu ligaburi laríawagun páhina ligía kei ariñahani le lídanbei láluahagüle páhina lánina Internet. Lubaragiñe wadügün daradu tuma somu óundaruni to labureme somu páhina lánina Internet, akutiha wamuti furumiñe anhein falá habalin lúrudu lánina layusurún luma lounigirún ariñahani lememe wafalarubei ani akutiha wamuti kada átiri dan anhein añahamémegua lubéi agunfulirei. Anhein anihein lubéi katei habusenrun hasubudirun libügürü ligaburi layusurúniwa luma lounigirún somu ariñahani lidan ítaga páhina lánina Internet, gayaraati haliihani lidan guánarügü páhina lánina Internet ligía.

Ichouruni

Woun, wéiriti lisudinin wóunigiruni ariñahani le híchugubei gürigia hawougua woun ua láamuga mégeiti lun. Góunigi wamuti ariñahani le híchugubei huougua lidoun páhina lánina Internet le eibu lásügürün lídangiñe aban fulasu lidoun amu lidan Internet, lun lira lakü wamuti lau burí kódigu, kéiburi le unbei hagúara TLS (Idáü lun chouru lan ariñahani eibu lásügürün). Yúsutiwa giñe konputadora burí to lídantu fulasu le góunigiwati buidu, lau elekütrisida luma burí amu katei lun lásiñarun hebelurun furumiñeguarügü ñeinhin, chouru láamuga ariñahani le híchugubei huougua woun.

Koréu lidan Internet

Lúnrügüba wabürühan hun luagu furumiñeguarügü katei le gániti luma koréu le hadararubei wama wayusurei koréu lánina Internet le híchugubei woun dan le hadararun koréu lidan páhina lánina Internet le. Kéiburi hamuga anhaün amuriaha ídemuei wama ladüga bulíei humá lan iri o kódigu le aubei hebelura lidoun hani koréu lánina Internet lidan páhina le, wabürühaba hun lidoun koréu lánina Internet le ru humaalibei woun íderagua wamaamugaün lunya gayara lan hebelurun.

Budagia

Anhaün íchiga seinsu keisi budagia luéigiñe Internet, wareidubei hiri luma amu ariñahani le híchugubei huougua. Áluaha wamutu burí óundaruni lánina lafayeihóun luéigiñe Internet tótima chóurutu ani to ídantu buídutima lan lounigirún ariñahani le híchugubei gürigia hawougua, lun tuguya lan achülüragüdei budagia le ounahóubei woun tau tárüheta lánina dúeiti. Úati ariñahani tuáguti hani tárüheta to lánina dúeiti wama ni luáguti linumerun hiseinsun bánkurugu o amu ariñahani le óunaha humaali tidoun óundaruni lánina afayeihani luéigiñe Internet ani siñati giñe webelurun arihei. Rédeiti daradu le hadügübei bürüwañu kéiburi diisi irumu lidan fulasu le ñeinhin lubéi ladagara budagia le híchugubei. Bürüwati ka lan weyu híchigei budagia ligía, átiriñein lan luma ka lan hayusurubei lun híchuguni. Ídehati lira lun gayara lan wagunfulirun lau lúrudu le afalarúbei lidan luáguti labahüdǘniwa seinsu luma lun gayara lan wóunabun furumiñeguarügü álügüdahani le hadügün woun lidan sun dan ligía. Mabürühanbadiwa hun amuriaha lanwoun budagia le ru humaalibei.

Lanwoun ariñahani

Másiñati híchugun ariñahani huougua woun, kéiburi hiri, linumerun koréu le ídounbei tachülüra gárada hun o linumerun higagamurun, gama lumoun mama lun híchugun budagia ni lun hadararun koréu lidan páhina lánina Internet le híchigei woun (háfuga lun hamuriahan aban aturiahani tídangiñeti Bíbülia mafayeihanga o lun katei líbeina lira). Wareidubei ariñahani ligía, yusu wameime lúnrügü le unbei híchigei woun ani wakipurubei luágurügü dan le mégeiwabei.

Cookie luma programa líbeina lira

Dan le hebelurun lidoun wani páhina lánina Internet, anihein ariñahani erederuti areidañu ítaraguarügü lau lídehan burí programa le unbei laguarúa Cookie, web beacons o amu programa ítarati. Dan le wayusuruni dimurei Cookie tidan dugumedu to, wadimurehaña luagu saragu programa le adügübalin libeméme wadagimanu le ladügübei aban Cookie, kéiburi ariñahani le erederubei areidañu tidan máhina o konputadora to hayusuruboun.

Cookie. Ítara kei lidan liibe-agei páhina lánina Internet, dan le hebelurun lidoun páhina lánina Internet le, rédeiti fiu ariñahani gíriti Cookie areidañu lidan gágamuru o konputadora to hayusuruboun. Ámuñegueinarügüti luwuyeri Cookie luma luadigimari kada aban lídangiñe ani ídehati lun ménrenguntima lan hun háluahan ariñahani lidan páhina lánina Internet. Yúsutiwa Cookie lun wasubudiruni anhein beluñahaadün lubéi lidoun páhina lánina Internet le o lun waritaguni katei burí le anúadira humaalibei dan le hebelurun lidoun. Kéiburi dan le anúadiraadün lan aban iñeñein, másiñati redei lan areidañu lidan aban Cookie lun dánmeya lan hebelurun lidoun páhina ligía lun ladararun hun lidan iñeñein le anúadira humaalibei. Mayusutiwa Cookie lun wawisahan luagu somu ebegidinaü.

Ǘrüwañein luwuyeri Cookie ayusurúti lidan páhina lánina Internet le:

  1. Cookie le mégeiwatimabei. Le lúgubu mégeiwa lan Cookie le lun hadügün fiu katei lidan páhina lánina Internet le, kéiburi hadararuni hani koréu lidan Internet o hóunahan somu dugumedu to buíngüda humaaru. Anhein ua Cookie burí le, siñabei wadügüni le hamuriahan wama, kéiburi dan le habusenrun híchugun budagia. Ídehati giñe Cookie burí le lun gayara lan wadügüni le hamuriahabei wama dan le hebelurun lidoun wani páhina. Móundaragunti Cookie burí le ariñahani huagu lun layusurún lun alugurahani mareidunlei burí ka lan páhina bisida humaalibei lidan Internet.

  2. Cookie luáguti le gayaraabei ladügǘn. Ídehati Cookie le lun laritawagún katei burí le anúadira humaalibei lidan páhina lánina Internet le (kéiburi iri le aubei hebelura lidoun hani koréu, iñeñein o fulasu le ñein hubéi) ídehati giñe lun gayara lan hadügün amu burí katei le huuti lun ménrenguntima lan hun hayusurun Internet.

  3. Cookie lánina abahüdǘni. Óundaraguagüda lumuti Cookie le sun ariñahani luáguti kada bisida le adügǘbei lidoun páhina lánina Internet le, kéiburi átiriñein lan wéiyaasu lebelurun kada gürigia lidoun luma átiriñein lan dan lidura kada bisida. Lúnrügüñein warihini ka lan lunbei wadügüni lúntima wabuiduragüdüni ligaburi lawadigimaridun páhina lánina Internet le wayusurei ariñahani lira.

Lídangiñeti wani páhina lánina Internet fiu lídangiñe Cookie le, mini lan lira wagía lan adügübalin. Anihein amu mama wagía adügübalin, amu óundaruni laburemeboun. Bóugudin luéi Cookie le lídangiñeti wani páhina lánina Internet, lérügüñein gániti tuma óundaruni Google reCAPTCHA wayusura. Yúsuati Google reCAPTCHA lun lasubudirúniwa gürigia tuéi konputadora mounahóun láamuga koréu meseriwínti ítaraguarügüti, le unbei hagúara spam. Anhein busén hubéi hasubudiruni ligaburi layusurún ariñahani le híchugubei gürigia hawougua lidan Google, belú humá lidoun https://www.google.com/intl/en/policies/privacy/.

Web beacons. Másiñati anihein lan lirahüñü ariñahani gíriti web beacons lidan wani páhina lánina Internet. Adügati web beacons lun lerederun katei burí le adügǘbei lidan páhina lánina Internet le areidañu, kéiburi dan le hebelurun lidoun somu páhina lánina Internet. Arufudeina liñalin Web beacons ida liña lan layusurún páhina lánina Internet le ani anhein gabafu lubéi lun lagunfuliruni le agurabúbei lúmagiñe.

Númeru le asubudiragüdübarun hikonputadoran lidan Internet. Yusu wamuti kódigu lauti númeru le asubudiragüdübarun hikonputadoran lidan Internet luma ariñahani luáguti programa le hayusurubei lun háluahan páhina lidan Internet lun wakutihani ligaburi hayusuruni wani páhina lánina Internet luma lun wíchugun fe anhein anihein lubéi somu mégeiti luagu aranseha wamaamugei lun buídutima lan lawadigimaridun.

Le hanúadirubei. Ígirati liibe-agei programa lánina laluahóun páhina lidan Internet lun gayara lan héñeguchuni Cookie o lun hawisarúniwa furumiñe lubaragiñe lareidúniwa somu Cookie tidan hikonputadoran. Lun hasubudiruni ida luba lan hadügüni lira, aliiha huméi adundehani le áfuachubei lidan programa le ídanbei háluaha páhina lidan Internet. Gama lumoun, mabulieida huméi siñabei lan hasagaruni sun buiti le hiyaraati lídangiñe wani páhina lánina Internet anhein ua Cookie lidan.

Active Scripting o JavaScript

Yúsuati Scripting (adundehani le lafalarubei burí programa tídanti konputadora) lun labuiduragüdüniwa luadigimari páhina lánina Internet le furesetima láamuga ladariruni ariñahani le háluahabei hun. Mayusurúnwati Scripting lun lararirawagüdün somu programa tidoun hikonputadoran míchugunga huguya üma.

Mosu beñu luba lan Active Scripting o JavaScript lidan programa le ídanbei háluaha páhina lidan Internet awadigimarida láamuga fiu lídangiñe seksióun le lídanbei páhina lánina Internet le keisi lubudubu. Ígirati liibe-agei programa le ídanbei laluahóua páhina lidan Internet lun gayara lan héñeguchuni Active Scripting o JavaScript lidan somu páhina lánina Internet dan le hayusuruñein lan. Anhein busén hubéi hasubudiruni ida liña lan lebedúniwa Active Scripting o JavaScript, áluaha humá ariñahani libügürü lidan fánreinti lánina ídemuei le lídanbei programa le ídanbei háluaha páhina lidan Internet.

Hiricha

Maguburahóunbei ni kata huéi luagu hayusuruni páhina lánina Internet le ni luagu harariragüdün agumeiraguagüdüni, bidéu o somu ariñahani aganbahóuarügüti lídangiñe. Ani mama mosu hadararun koréu lidan páhina lánina Internet le ni híchugun seinsu keisi budagia, memegeirúnwati giñe lun híchugun ariñahani huougua woun lun gayara lan hayusuruni páhina lánina Internet le. Gama lumoun, anhaün desidírü lau sun hugundan lun hadararun koréu lidan páhina lánina Internet le, híchugun seinsu keisi budagia, hamuriahan aban aturiahani tídangiñeti Bíbülia mafayeihanga o hamuriahan furumiñeguarügü amu katei le unti mégeiwa lan híchugun ariñahani huougua woun, hánharuña lun: sun le ariñawagúbei tidan dugumedu “Ligaburi layusurún ariñahani le híchugubei gürigia hawougua luma burí Cookie”, lareidúniwa ariñahani le híchugubei huougua lidan burí máhina le ídanbei lakipurúa lila páhina lánina Internet le Meriga, hánharuña giñe lun tóundaraguni, tawadigimariduni, tásügüragüdüni luma tareiduni óundaruni Watchtower tuma burí amu óundaruni to ídehaboun hama gefentiña luagu Heowá lidan ámuñegueinarügü ageiraü sun ariñahani le híchugubei huougua lun ladügǘniwa le hamuriahabei. Ámuñegueinarügübei fulasu ídounti ladagara ariñahani le híchugubei huougua segunme le hamuriahabei lidan páhina lánina Internet le. Kéiburi anhaün íchiga seinsu keisi budagia lidan iri lábugiñeti lúrudu le aubei tasubudirua wóundarun lidan ítaga ageiraü, lounahóuba hiri luma le líbiri ariñahani le híchugubei huougua tidoun óundaruni to lauboun iri lábugiñeti lúrudu le arufudúbei hun dan le híchuguñein lubéi hani budagia. O anhein hamuriahaña lubéi aban aturiahani tídangiñeti Bíbülia, lounahóuba hiri luma le líbiri ariñahani le híchugubei huougua tidoun aban tídangiñe hani gefentiña luagu Heowá sukursáli ñéingiñe láamuga larihúa lau kaba lan íchigei aturiahani ligía hun.

Siñabei wadügüni le hamuriahabei wama, anhaün míchugun ariñahani huougua woun dan le hálugun hadararun aban koréu lánina Internet lidan páhina le, híchugun seinsu keisi budagia o lun furumiñeguarügü amu katei le unti mégeiwa lan híchugun ariñahani huougua lidoun páhina lánina Internet.

Anhein achülüra dan lun warihin mégeiwa lan ladügǘn amu burí asansiruni tidan dugumedu “Ligaburi layusurún ariñahani le híchugubei gürigia hawougua luma burí Cookie” wasubudiragüdübei asansiruni burí ligía lidan páhina le gayara láamuga hasubudiruni súnwandan ka lan burí ariñahani wareidahabei luma ida liña lan wayusuruni.

Úaragua luma lúrudu, másiñati garicha humá lun amu burí katei le gániti luma ariñahani le híchugubei huougua. Laganagua lira, másiñati anihein lan hiricha lun harihini ariñahani le híchugubei huougua lidoun páhina lánina Internet le, hasansirun fiu katei lídangiñe o hagidaruni sunsuinagubei. Anhein gayara lubéi ladügǘniwa lira lidan hageira, hadariruba ariñahani libügürü ya. Anhein luagu lubéi budagia le ru humaalibei habusenra hálügüdahan, abürüha humá lidoun fulasu le iridúbei hun dan le híchuguñein lubéi hani budagia luma tidan gárada to ichugúboun hun luáguti resibi waali lan budagia ligía.