Keimon lidoun ariñahani

Keimon lidoun libiaman menú

Gefentiña luagu Heowá

Garifuna

Liibe-agei dan, furesetimati hóuchaadagun sánditiña ha gefentiña luagu Heowá

Liibe-agei dan, furesetimati hóuchaadagun sánditiña ha gefentiña luagu Heowá

AUSTRALIA: “Uguñe weyu, furesetimati hóuchaadagun gefentiña luagu Heowá ha sándibaña —ha máhaheibaña lichugún hitaü lidoun hágubu según le furendei hamaalibei lidan hani relihión— sügǘ hau amu sánditiña,” ariñahani tídangiñeti periodiku to gíriboun The Sydney Morning Herald to lánina 2 lidan diisi-hati irumu 2012.

Lidan ñunsu le tíchugubei periodiku to, adimurehóuati luagu le lariñagubei James Isbister, máisturu le íchugubei külase tidan Leskuela lánina Agaranihani to tídanboun luban furendei íñuti to uburuguboun Sydney. “Ariñagati máisturu Isbister buídutima lan agaranihani le habihibei gefentiña luagu Heowá hámagiñe surusiagu ha óuchubaña lun máwiyurun hamá saragu hitaü dan le hagaranihan houn. Ítarati, lóuguatimatiña óunwegutiña o erederutiña ounigirúa saragu dan háspitalirugu sügǘ hau gürigia ha uágubaña lichugúa hitaü dan le hibugúniwa”, tiña periodiku tuguya.

Mámarügüñein máisturu Isbister ariñagei lira. Tidan garüdia Archives of Internal Medicine, to lánina 13 darí 27 lidan widü-hati irumu 2012 ariñawagúati hawagu gefentiña luagu Heowá ha mégeibaña hibugún tuéigiñe hanigi: “Maweirindigiati lénrengudun katei dan le lagaranihóun houn gefentiña luagu Heowá, mibe ligía dan hásügürün háspitalirugu, ánhañati gürigia ha ibihubaña hitaü dan le hibigúniwa mítaranti lidin houn.”