Keimon lidoun ariñahani

Keimon lidoun libiaman menú

Gefentiña luagu Heowá

Garifuna

Mereruntiña san gefentiña luagu Heowá houn ha mámaañabaña lílana hani relihión?

Mereruntiña san gefentiña luagu Heowá houn ha mámaañabaña lílana hani relihión?

Meredetiwa mererunga houn gürigia ha badiseihañabaña kei gefentiña luagu Heowá gama lumoun masigihaña apurichiha houn amu, madamuridagun hagía wama. Áfaaguarügütiwa lun wíderaguniña lunya lederebugudun hafiñen luma lunya heseriwidun lun Bungiu.

Lau sun gayara lan labugún aban gefenti luagu Heowá le badiseihali lídangiñe damuriguaü anhein ábürüha lidoun somu figóu le wéiriti, úati Gefenti abugúti ítaraguarügü. Anhein héchuhali lubéi gürigia ligía adüraaguei lúrudu le tídanbei Bíbülia libügürü laruman ibagari ani masakürihanti, labugúba lídangiñe damuriguaü. Lugundun ariñagatu Bíbülia furangu: “Bugá huméi [...] salufuriti ligía haganaguagiñe” (1 Korintuna 5:13).

Kati asuseredubei anhein abugúa aban wügüri ani dandu lani weiriou kei lirahüñü gefentiñamémegiña luagu Heowá? Lau sun sansi lan gádantiña lidan luáguti relihión, masansirunti gádantiña keisi iduheñu. Sigimémetiña maríeitiña hama isaanigu óuseragua houngua lau ínsiñehabuni.

Gayaraati houdin ha bugawaañabaña adamuridagua ani ánhaña busén, gayaraati heresibirun ídemuei hámagiñe wéiyaaña lidan afiñeni lun haransehani gádantiña ligibugiñe Heowá. Láluahouña lau lira lun gayaraaya lan gefentiña hamá luagu Heowá. Sun bugawaaña ha ígiruti luriban usa ani arufuda haméi busén hamá hafalaruni gumadi le tídanbei Bíbülia lidan habagari resibiyawatiña lidan damuriguaü.