Keimon lidoun ariñahani

Keimon lidoun libiaman menú

Gefentiña luagu Heowá

Garifuna

Aban san lídangiñe relihión le áfuridubei tídangiñe Ligilisi Katolika hani gefentiña luagu Heowá relihión?

Aban san lídangiñe relihión le áfuridubei tídangiñe Ligilisi Katolika hani gefentiña luagu Heowá relihión?

Uá. Kristiánugu wagía, gama lumoun mama aban lídangiñe relihión le áfuridubei tídangiñe Ligilisi Katolika Rómana wani relihión. Ka uagu?

Subudiwati furí lan saragu relihión tídangiñe Ligilisi Katolika to Rómana ladüga meha magundan hamá lílana lau saragu lídangiñe katei le arufudahóubei tidan. Ani lau sun múaran lan le wafiñerubei wagía gefentiña luagu Heowá luma saragu lídangiñe katei le tarufudahabei Ligilisi Katolika, mama aban lídangiñe relihión le áfuridubei tídangiñe wani relihión, lugundun:

  1. Múaranti besafu lídangiñe katei le arufudahóubei lidan burí relihión le luma inarüni le tídanbei Bíbülia. Kéiburi le tarufudahabei Bíbülia libügürü “ábanrügüñein [lan] Bungiu”, marufudahantu ǘrüwañein lan Bungiu lidan aban kei larufudahóun lidan burí relihión le (1 Timotéu 2:5; Huan 14:28). Marufudahantu giñe Bíbülia bei lániña Bungiu wuribatiña lau lóunahaniña asufurira lidan máfiougati, ariñagarügütu günringuaüba lan le magumuchaditi habeichúagüle (Sálumu 37:9; 2 Tesalónikana 1:9).

  2. Máluahantiwa wadügün aransehani ni tidan Ligilisi Katolika ni lidan furumiñeguarügü amu relihión. Rúguarügütiwa woungua apurichihei uganu buiti le luáguti Larúeihan Bungiu lun wínchahaniña gürigia afiñera luagu lubuidun burí uganu le (Matéu 24:14; 28:19, 20). Mabusenruntiwa wadügün aransehani lidan ni aban relihión, warufudahani inarüni luagu Bungiu luma tuagu Bíbülia, to Lererun, houn sun ha aganbutiwa wáluahabei (Kolosana 1:9, 10; 2 Timotéu 2:24, 25).

Lanwoun ariñahani

KÁTAÑA SAN ADÜGÜBALIN LUGUNDAN HEOWÁ UGUÑE WEYU?

Ka san hawuyeri gürigia gefentiña luagu Heowá?

Átiriñanu san gefentiña luagu Heowá hasubudirun? Kátima san hasubudirubei wawagu?