Keimon lidoun ariñahani

Keimon lidoun libiaman menú

Gefentiña luagu Heowá

Garifuna

Adügatiña san gefentiña luagu Heowá somu lísüta lau burí músika le moun lumuti haganbahani, pelikula o mubi le moun lumuti harihini o líburu to moun lumuti haliihanu?

Adügatiña san gefentiña luagu Heowá somu lísüta lau burí músika le moun lumuti haganbahani, pelikula o mubi le moun lumuti harihini o líburu to moun lumuti haliihanu?

Uá. Metenitu wóundarun akutihei kada músika, líburu, pelikula o mubi lun lasubudirúniwa anhein buidu lubéi houn tílana. Ka uagu?

● Arufudahatu Bíbülia sun lan wagía mosu wayusuruni iyaraani le wawagubei lánina wasubudiruni “le buídubei lumoun le wuribabei” (Ebüréu 5:14).

● Anihein adundehani méiniti tidan Lererun Bungiu le íderagubaliwa anúadirei wisebáhari buidu. * Kei lidan sun katei le wadügübei lidan wabagari, busentiwa wachoururuni “ka lan hínsiñebei lun Wabureme” (Éfesuna 5:10).

● Arufudahatu Bíbülia lun lan ichügüdinaü le hádanbei kada iduheñu líchigei Bungiu buligasion lun desidírü lani le gayaraabei hadügüni liduheñu lidan burí katei ítarati (1 Korintuna 11:3; Éfesuna 6:1-4). Ánheinti lidan damuriguaü, úati ni aban garichati lun líchugun gumadi luáguti ítaga pelikula, músika o hawagu gürigia subudiwatiña ha arihúbaña tidan bigibigitu (Galasiana 6:5).

^ par. 4 Ariñagatu Bíbülia wuriba lan furumiñeguarügü katei le gaganati aríaagüdüni, abiñarahani, abuyeihani, figóu lánina agamariduni, ageindaguni, áfarahani o katei líbeina lira (2 Lúrudu 18:10-13; Éfesuna 5:3; Kolosana 3:8).