Keimon lidoun ariñahani

Keimon lidoun libiaman menú

Gefentiña luagu Heowá

Garifuna

Ka uagu mefeduhan habalin gefentiña luagu Heowá semana santa?

Ka uagu mefeduhan habalin gefentiña luagu Heowá semana santa?

Iyeeni luma inarüni

Iyeeni: Mama kristiánugu gefentiña luagu Heowá ligía mefeduhan habalin semana santa.

Inarüni: Afiñetiwa Hesukrístu lan Wasalbaragülebei ani adüga wamuti sun wayaraati lun wáyeihani “hénpulu” le líchugubei woun (1 Féduru 2:21; Lúkasi 2:11).

Iyeeni: Mafiñetiña águyugua lan Hesusu lídangiñe óunweni.

Inarüni: Afiñetiwa águyugua lan Hesusu; chouru wamuti giñe inarüni lan le ágüdahabalin wafiñen ani ligía aban lídangiñe arufudahani súdinitimati le wapurichihabei (1 Korintuna 15:3, 4, 12-15).

Iyeeni: Mígiruntiña lun hasandiruni hasaanigu ugundani le líchugubei efeduhani.

Inarüni: Hínsiñetiña wasaanigu woun ani adüga wamuti sun wayaraati lun warufudahan houn gunda láamuga habagari (Titu 2:4).

Ka uagu mefeduhan habalin gefentiña luagu Heowá semana santa?

  • Mama tídangiñeti Bíbülia sun échuni le afalarúbei lidan saragu ageiraü lidan semana santa.

  • Luéyuri lounwen Hesusu uágubei líchiga gumadi woun lun waritaguni, mama luéyuri láguyugun. Sagü irumu, óundaraguatiwa, wagía gefentiña luagu Heowá, lun waritaguni lounwen Kristu weyu le lagunfulirun irumu lúmagiñe lounwen según kalendáriu tídangiñetu Bíbülia to meha hayusuruboun huríu to ídanboun labahüdǘwa weyu según léibugun Hati (Lúkasi 22:19, 20).

  • Subudi wamuti magundan lan Bungiu lau échuni le afalarúbei lidan semana santa lugundun —kultu burí le meha hadügübei gürigia lidan binadu dan lun garahüñügua hamá— lébunabei saragu lídangiñe. Busenti Bungiu lun lúnrügü lan wáhuduragua ladüga “emeiditi” lau áhuduraguni le yuubei lun, ligía aba lubéi lagañidun dan le wafalarun échuni lídangiñeti relihión le aubei magundan lan (Áfuriduni 20:5; 1 Urúeigu 18:21).

Chouru wamuti úaragua lan le desidírü wabéi libügürü mefeduhan wamani semana santa luma le tarufudahabei Bíbülia, to ínchahabaliwa lun wóuserun lau “lichú aau luma gunfurandaü” lubaragiñe échunirügü lan le warihibei hafalarun gürigia wafalara (Ariñawagúni 3:21; Matéu 15:3). Lau sun aranseñu waña lan lun wóunabuniña sun ha álügüdütiwa ka lan lébunabei wafiñen, inebeti haricha sun gürigia woun lun desidírü hamani le habusenrubei hadügün (1 Féduru 3:15).