Keimon lidoun ariñahani

Keimon lidoun libiaman menú

Gefentiña luagu Heowá

Garifuna

Gúnfulitiña san gefentiña luagu Heowá lau somu wadagimanu keisi misioneru?

Gúnfulitiña san gefentiña luagu Heowá lau somu wadagimanu keisi misioneru?

Anha. Sun gefentiña luagu Heowá óuseratiwa kei misioneru meberesenga halía lan wawinwanda ani meferidiruntiwa chansi lun wapurichihani uganu le tídanbei Bíbülia houn amu (Matéu 28:19, 20).

Añahein giñe gefentiña luagu Heowá ha aweiyasuhatiña —o águyatiña— lidoun burí fulasu le lídanbei hageira le ídanbei gíbegiña lan gürigia ha maganbunñaha hamagili uganu buiti le tídanbei Bíbülia. Añahein amu, águyatiña lau sun hagundan lidoun amu ageiraü lun haganwoundagüdüni hani ministeriu. Gúndaatiña sun hagía lau hídehan lidan lagunfulirun profesía lúmagiñeti Hesusu le: “Gefén humá nuagu [...] chülǘ lumoun lidise-agei fulasu ubouagu” (Adügaü 1:8).

Adügǘwatu aban leskuela lidan irumu 1943 lun larufudahóun houn fiu hádangiñe misionerugu ha wámabaña: Leskuela Galaadü to tani Watchtower. Lumoun dan le, eresibihaaña hóugiñe 8,000 gefentiña luagu Heowá tídangiñe leskuela to.