Keimon lidoun ariñahani

Keimon lidoun libiaman menú

Gefentiña luagu Heowá

Garifuna

Ka uagu hapurichiha gefentiña luagu Heowá houn gürigia ha gánihaña relihión?

Ka uagu hapurichiha gefentiña luagu Heowá houn gürigia ha gánihaña relihión?

Ariha wamaali gibe hamá gürigia ha gánihaña relihión ha úntiña línsiñeda hadimurehan luagu le tarufudahabei Bíbülia. Kei inebe lubéi haricha gürigia woun lun hafiñeruni le habusenrun, mafosuruntiwa ni aban lun lánharun lun uganu buiti le wapurichihabei.

Dan le wayanuhan luagu burí afiñeni lídangiñeti relihión, áfaaguatiwa lun wadügüni kei tariñaguni Bíbülia, “lau ínsiñeni luma inebesei” (1 Féduru 3:15, 16). Subudi wamuti ñéinbaña lan máhatiña haganbuni uganu le wanügübei houn (Matéu 10:14). Gama lumoun, ibidiñebei woun ida luba lan hóunabun gürigia ánhawa mayanuhan hama furumiñe. Gayaraati giñe lasansirun gádantiña gürigia.

Kéiburi hamuga aban gürigia le wéiribei uberesegun lun layanuhan wama aban weyu háfuga gúndaabei lan layanuhan wama amu dan. Gayaraati giñe lagagibudaguña lan gürigia luma aban iseri turobuli o sügǘ le adügüti lun busén lan laganbuni uganu le tídanbei Bíbülia. Ligía áfaagua wabéi wayanuhan hama gürigia lidan lóugiñe aban ókaasion.