Keimon lidoun ariñahani

Keimon lidoun libiaman menú

Gefentiña luagu Heowá

Garifuna

Ánhatiña san gefentiña luagu Heowá lagaranihan surusia houn?

Ánhatiña san gefentiña luagu Heowá lagaranihan surusia houn?

Anha, ánhatiwa, wagía gefentiña luagu Heowá, lun lagaranihan surusia woun ani guratiwa giñe árani. Íbini adüga wamani sun wayaraati lun wóunigiruni wátuadi, anihein dan megei wamá woudin áluaha surusia (Lúkasi 5:31). Añahein giñe wádangiñe nadagimeintiña lidan agaranihani ítara kei Lúkasi, surusia kristiánu le meha awinwandubei lidan furumiñeti sígulu (Kolosana 4:14).

Gama lumoun, máhatiwa lun furumiñeguarügü agaranihani le adügüti lun wadüraaguni inarüni méiniti le tídanbei Bíbülia, kéiburi lebelaagüdǘniwa hitaü lidoun wágubu ladüga ariñagatu Bíbülia moun lumuti lan weigin hitaü, mini lan lira, moun lumuti lan webelaagüdüni lidoun wágubu (Adügaü 15:20). Ariñagatu giñe Bíbülia moun lumuti lan wánharun lun agaranihani le gániti luma abiñaraha, abuyeihani o katei líbeina lira (Galasiana 5:19-21).

Le linarün katei, gíbeti agaranihani le madüraagun lumuti le tubeibei Bíbülia. Ligíati, kada gefenti luagu Heowá desidírübalin anhein lánharuba lubéi lun ítaga agaranihani o mánharunbei lan. Másiñati ñeinbei lan hádangiñe ánharuti lun aban luwuyeri agaranihani le unti mánharun lan amu (Galasiana 6:5).