Keimon lidoun ariñahani

Keimon lidoun libiaman menú

Gefentiña luagu Heowá

Garifuna

Afiñetiña san gefentiña luagu Heowá luagu Hesusu?

Afiñetiña san gefentiña luagu Heowá luagu Hesusu?

Anha. Afiñetiwa luagu Hesusu, le ariñagubei: “Au ǘmabei, au inarüni, au ibagari. Ani úati achülürüti lumoun Bungiu Úguchili anhein mama lubéi nuéigiñe” (Huan 14:6). Afiñetiwa ñübuin lan Hesusu ubouagun lun líchuguni libagari mafigounti keisi sákürifisiu lebegime hasalbarun gürigia (Matéu 20:28). Lau lounwen luma láguyugun, ibihati lun habihin sun ha afiñebaña luagu ibagari magumuchaditi (Huan 3:16). Afiñetiwa giñe Urúeihali lan Hesusu guentó lidan Larúeihan Bungiu le siélubei, le málühalibei anüga darangilaü lidoun sun Ubóu (Arufudúni 11:15). Ani gabaroun wamuti giñe ariñaga lan Hesusu: “Íñugutimati [Núguchi] nuéi” (Huan 14:28). Kei anha wabéi lun dimurei burí le, ligía mafiñen wabéi Hesusu lan Bungiu Suntigabafubei. Ligía máhuduragun wabéi lun.