Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Programa lánina adamurini bianti weyu 2017

Ariñahani houn lílana adamurini

Ariñahani houn lílana adamurini

ADAMURIDAGUNI ESPECHALITI

ESERIWIDUNI TIDAN BETELI. Amisurahóuatiña íbirigu ha badiseihañabaña ani gúnfulihaña lúmagiñe 35 irumu lun ǘnabun ha busentiña heseriwidun Betelirugu, lun hadügün aransehani lun hachülürün lidoun adamuridaguni le lunbei ladügǘn samudi rábounweyu. Lariñawagúba luéigiñe plataforma kaba lan oura ani halíaba lan ladügǘwa adamuridaguni le.

LESKUELA HOUN APURICHIHATIÑA LARÚEIHAN BUNGIU. Amisurahóuatiña prekursorugu ha gúnfulihaña lúmagiñe 23 irumu darí 65 ha busentiña haganwoundagüdüni hani ministeriu lun hachülürün lidoun adamuridaguni le lunbei ladügǘn dimaasu rábounweyu houn sun ha busenbaña houdin tidan leskuela to. Lariñawagúba luéigiñe plataforma kaba lan oura ani halíaba lan ladügǘwa adamuridaguni le.

 ARIÑAHANI HOUN LÍLANA ADAMURINI

ÍDEHATIÑA. Gayaraabei híderagunün ídehatiña. Sigí huméi sun adundehani le lunbei híchuguni hun libügürü tamuñeirun karü, halíagiñeba lan héibuga, luagu lareidún haláü luma amu burí katei.

BADISEI. Ánheingubeirügü ariñawagúa amu katei, ligirúba haláü burí le ligibugiñebei plataforma habá ha lúnbaña habadiseirun. Lunti hañuurun ha lúnbaña habadiseirun ñein lubaragiñe latatirun yanu le lánina badisei samudi binaafin. Mosu lanügünu kada aban hádangiñe lituayan tuma aban ágawagülei to gadünamatu lun ókaasion le.

BUDAGIA. Yúsuwaali saragu seinsu lun ñein lan haláü buiti, katei burí le ídehabei lun waganbuni programa buidu, warihin bidéu luma amu burí katei le ídehabei lun buidu lan wasandiragun woungua lidan adamurini le, yarafatima wamaamuga lun Heowá. Ídehati budagia le híchugubei lun lafayeirún sun le luma lun lamainirúniwa wadagimanu lánina apurichihani le adügǘbei lidan sun ubóu. Lun ménrengun lan hun hídehan, anuhein burí gafu lidan saragu fulasu ya to uáguboun bürüwañu lan luntu lan budagia. Óunwenbu seremei luagu sun budagia le híchugubei. Busentiña giñe lílana Sétanu le Arihibei lau Hawadigimari Gefentiña luagu Heowá híchugun seremei hun luagu hídehan ítara lun lawanserun luadigimari Larúeihan Bungiu.

LETENIRÚN HOUN ASANDIRUTIÑA. Gabaroun huméi LÚNRÜGÜBA lan sandi o buleseiti le SÓDINITI lagaranihóua lidan departamentu le.

ÍLAGU EFERIDIRUTI. Anhaün adarira somu ílagu le féridiwaali, barǘ huméi lidoun Departamentu le Arihibei lau Ílagu Eferidiruti. Anhein féridihadün lubéi somu katei, heiba áluahei ñein. Lunti giñe hanügǘn irahüñü ha eferidirutiña hawéi hagübürigu lidoun departamentu le. Gama lumoun, mama lun hounigirún irahüñü ladügǘwa departamentu le. Lau fulesei, teni humá houn hirahüñü ani kipu humaña húmagua sun dan.

HALÁÜ. Lau fulesei, samina humá hawagun ha híbiri. Haritagua huméi gayara lan hareidun haláü habarügü meni hiduheñu, ha aweiyasuhabaña huma tidan tuguyaméme karü, ha awinwandubaña huma húbiñe luma habá ha aturiahabarun Bíbülia huma. Mígira humá ni kata luagu somu haláü anhein úabei lubéi añuuruti luagu.

ESERIWIDUNI LAU GUNDAÜ. Anhein busén hubéi hídehan lidan wadagimanu le adügǘbei lidan adamurini le, chülǘ humá lidoun Departamentu lánina Ariñahani luma Eseriwiduni lau Gundaü.

Laransehan Sétanu le Arihibei lau Hawadigimari Gefentiña luagu Heowá lidan sun Ubóu

 

Lanwoun ariñahani

KÁTAÑA SAN ADÜGÜBALIN LUGUNDAN HEOWÁ UGUÑE WEYU?

Ka san Beteliboun?

Aban fulasu espechaliti Beteli ani súdiniti wadagimanu le adügǘbei ñein. Furendei humá hawagu ha eseriwidubaña ñein.

KÁTAÑA SAN ADÜGÜBALIN LUGUNDAN HEOWÁ UGUÑE WEYU?

Ka burí Leskuela anuheinboun houn prekursorugu?

Furendei huméi ka lan arufudahani heresibirubei gefentiña luagu Heowá ha eseriwidubaña lidan dan dayarüti.

KÁTAÑA SAN ADÜGÜBALIN LUGUNDAN HEOWÁ UGUÑE WEYU?

Ida liña lameinirún wadagimanu lánina apurichihani le hadügübei gefentiña luagu Heowá lidan sun ubóu?

Ida liña amu lan ligaburi lameinirúniwa wadagimanu lánina apurichihati tidan wóundarun luéi ligaburi lameinirún lidan burí líbiri relihión?