Busenti Satanási lun waríaagüdün. Gibetiñu gürigia adügütiñu sákürifisiu houn binadu agübürigu o houn sífirigu wuribatiñu lun madügün hamá dañu houn. Adüga hamuti sun le ladüga hanufude luéi habafu sífirugu ha. Gürigia ha yusutiña bagü o bángüli le lánina aríaahani. Guratiñu “árani” le uagubei hafiñera gabafu lan hurugua haméi hara lau. Añahein fiú gürigia áchahatiña katei burí habiñe o bunáhamuti ladüga afiñe hamá gabafu burí lan lun ladouragun hau. Añahein amu yusutiña “hárani” aríaahatiña ladüga afiñe hamá líderaguabaña lan lidan hani bísinisi, luma egüsámini leskuelarugu luma lidan adarigu.

Umadaguaü luma Heowá ligiatima buitimaabei lun hadouragun luéi Satanási. Heowá Bungiu hama lani ánheligu, gabafutimatiñu luéi Satanási hau lumáfianu (Santiagu 2:19; Arufudúni 12:9). Anihein aban óunwebu ayumahani luma Heowá lun layusuruni lubafu hawagu lumadagu ha dayarugubei hagúnfulirun lun (2 Krónikasi 16:9).

Erengatu Lererun Bungiu: “Maríaagüda humá”. Asíadira lumuti Heowá aríaagüdüni luma abiñarahani ladüga gayara lan líchuguniwa lábugiñe lubafu Satanási le mafia (Fádirigu 19:26).