Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Kátaña san adügübalin lugundan heowá uguñe weyu?

 LEKSIÓUN 4

Ka uagu wadügoun Traducción del Nuevo Mundo?

Ka uagu wadügoun Traducción del Nuevo Mundo?

República Democrática del Congo

Ruanda

Binadu dugumedu lánina abürüdǘni güriegu to lani Símaco (sígulu lll o lV) to ídanboun wadarirei liri Bungiu lidan Sálumu 69:31

Lidan saragu irumu, imprimírütiña gefentiña luagu Heowá ámuñegueinarügü Bíbülia, yusu hamutu giñe ani afanreinha hamóun. Gama lumoun, lau lásügürün dan, aba warihin luagu megei wamá aban Bíbülia to gayaraboun tíderaguniña gürigia lun ménrengun lan “hasubudiruni inarüni”, lugundun ligía labusenrubei Bungiu houn sun gürigia (1 Timotéu 2:3, 4). Ligíati, lidan irumu 1950 gumesetiwa ásügüragüda fiú fánreinti tídangiñe Bíbülia lidan inglesi, yúsutiwa dimurei le sensiyuti lun wásügüragüdünu Bíbülia Traducción del Nuevo Mundo, guentó sügügüdawaaru lau úaraguni luma duari lidan lóugiñe san-wein iñeñein.

Mégeiwatu meha aban Bíbülia to ménrengunti gunfurandawa tan. Lau lásügürün dan sánsiguati ligaburi layanuhóun iñeñein, ani saragu Bíbülia anihein dimurei tidan le mayusurunwaali ani güreweiti gunfurandawa lan. Dariwati giñe binadu abürüdǘni le yarafatimagili lun furumiñeti abürüdǘni, chóurutimati ani ídehati lun buídutima lan gunfurandawa lan ebüréu, araméu luma güriegu le ayanuhóubei lidan tidaani Bíbülia.

Busenwatu meha aban Bíbülia to úaraguatu lun lererun Bungiu. Ha ásügüragüdübarun Bíbülia lidoun amu iñeñein siñati hasansiruni le abürügüda láalibei Bungiu, mosu habürüdüni kei lubéi lidan furumiñeti abürüdǘni. Gama lumoun, tidan besafu Bíbülia mabürüdün hamuti liri Bungiu, Heowá.

Mégeiwatu meha aban Bíbülia to íchugutu uéiriguni lun Le abürügüdübarun (2 Samueli 23:2). Tidan Traducción del Nuevo Mundo, bürüwayati liri Heowá lidan yarafa lun sedü-milu bérusu le ídanbei láfurida lidan abürüdǘni le binadutimahalibei, dariwati aban hénpulu ǘnabu (Sálumu 83:18NM). Kei resultóu lani aban akutihani le buiti, gayarati waliihanu Bíbülia to lau ugundani lugundun furanguti tarufuduni lisaminan Bungiu. Anuhein lan yebe huma lidan hererun o ua tan, amisuraha wamutün lun héchudun aliihoun Lererun Heowá sagü weyu (Hosué 1:8; Sálumu 1:2, 3).

  • Ka uagu mégei wabéi meha wadügün aban Bíbülia?

  • Ka échuni buiti lunbei háyeihani sun ha busenbaña hasubudiruni ka lan lugundanbei Bungiu?

Lanwoun ariñahani

Kátima san tarufudahabei Bíbülia?

Lúmagiñe Bungiu tiabin Bíbülia

Ida liña tíderagunün Bíbülia agagibudagua luma hituróbulin? Ka uagu gayara lubéi hafiñerun luagu burí profesía tídanbei?