Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Kátaña san adügübalin lugundan heowá uguñe weyu?

Hadügübei san lugundan Heowá?

Hadügübei san lugundan Heowá?

Seremei waña hun luagu hasagarun dan lun hakutihanu garüdia to lun hasubudirúniwa buidu, hasubudiruni le wadügübei ani ariha humeime ida liña lan lawadigimaridun wóundarun. Agurabatiwa íderaguatanün lun gunfuranda humani luagu wagíarügüñadiwa lan adügei lugundan Heowá uguñe weyu. Amisuraha wamutün lun hasigirun afurendeira luagu Bungiu. Ayanuha humá hama hiduheñu luma hama humadagu luagu le hafurendeirubei lidan haturiahan ani abasiha humá wama lidoun adamuridaguni kristiánu (Ebüréu 10:23-25).

Éibume hafurendeirun luagu Heowá, hasandiratimabei hínsiñe humá lun. Ani busenbadün giñe hadügüni sun hiyaraati lun harufuduni ínsiñeni le hasandirubei luagu (1 Huan 4:8-10, 19). Ida lubati gayara lan harufuduni lidan hibagari sagü weyu hínsiñe lan Bungiu hun? Ka uagu buídubei lubéi hun gaganbadi humá lun lilurudun? Kaba adüga lun wéiritima lan hayumahan hadügüni lugundan Bungiu úara wama? Líderagubadün íbiri le úmabei haturiahoun Bíbülia asubudirei óunabagülei lun álügüdahani burí le, lun gayarabei lan herederun úara hama hufamilian ‘lidan línsiñehabu Bungiu ani aguraba humeime ibagari le magumuchaditi’ (Húdasi 21).

Agunbiraha wamutün tídangiñe sun wanigi lun hasigirun awansera lidan lémeri inarüni. Líderagubadün haturiahanu líburu “Redei humá lidan línsiñehabu Bungiu”.

 

Lanwoun ariñahani

TATURIAHÓUN BÍBÜLIA

Ka uagu lunti lubéi haturiahanu Bíbülia?

Íderaguaaru Bíbülia saragu míñunu gürigia adarira óunabagülei lun lanarime burí álügüdahani le hadügübei hóuniwagua lidan habagari. Hínsiñeti hamuga hun huguya lan aban hádangiñe?

ÁLÜGÜDAHANI LE GABÜGÜRÜGUATI LADÜGǗN

Ida liña aturiahani tídangiñeti Bíbülia le híchugubei gefentiña luagu Heowá?

Darí humá óunabagülei lun burí álügüdahani le hadügübei húniwagua libügürü aturiahani tídangiñeti Bíbülia le wíchugubei.