Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Kátaña san adügübalin lugundan heowá uguñe weyu?

 LEKSIÓUN 1

Ka san hawuyeri gürigia gefentiña luagu Heowá?

Ka san hawuyeri gürigia gefentiña luagu Heowá?

Dinamarca

Taiwán

Venezuela

India

Átiriñanu san gefentiña luagu Heowá hasubudirun? Háfuga hubesinanigu fiú wádangiñe, hánigu paaná lidan wadagimanu o leskuelarugu; ani háfuga ayanuhadiwa huma tuagu Bíbülia. Kati hawuyeri gürigia wagía, ani ka uagu wayanuha hama gürigia luagu wafiñen?

Hubesinanigu wagía. Waganagua añahein saragu gürigia lídangiñetiña ámuñegueinarügü rasa, añahein hagía rísitiña, añahein gudemetiña. Fiú wádangiñe gánitiwa meha amu relihión, añahein hagía mafiñetiña meha luagu Bungiu; gama lumoun, lubaragiñe aban wamá gefenti luagu Heowá, sagatiwa dan lun wakutihani létima tarufudahabei Bíbülia (Adügaü 17:11). Aba wánharun lun le wafurendeirubei ani lárigiñe, aba desidírü wamá aban katei súdiniti: wáhuduragun lun Heowá Bungiu.

Sagatiwa buiti lídangiñe taturiahóun Bíbülia. Kei sun gürigia, gaturobulintiwa ani charatiwa giñe; gama lumoun, seremei áfaaguni le wadügübei lun wawinwanduni inarüni méiniti le tídanbei Bíbülia, buídutimahali wabagari (Sálumu 128:1, 2). Ligía aban resun le uágubei wayanuha houn gürigia luagu katei buiti le furendei wamaalibei tidan Bíbülia.

Barǘ wamuti wabagari según lilurudun Bungiu. Igaburi burí le arufudahóubei tidan Bíbülia, adügati lun buidu lan wasandiragun woungua. Ínchaha lumutiwa giñe lun inebe hamá híbiri gürigia woun, lun hínsiñehabu wamá luma lun úaragua lan ligaburi wóuserun. Íderagua lumutiwa giñe lun haruma lan wabagari ani íderagua wamaña lílana wageira, ídehati giñe lun ñein lan úarani lidan wafamilian. Chouru wamuti “úati lan himei lan Bungiu aban gürigia luéi aban”, ligíati añahein lubéi wíbirigu lidan sun fulasu ubouagu, hínsiñeguatiwa woungua íbini lídangiñetiwa lan amu rasa o ageiraü. Íbini gürigia wamá ha furumiñeguarügü, lídanñadiwa aban óundaruni le móubati (Adügaü 4:13; 10:34, 35).

  • Ka katei adügübei lun ítara hamá gefentiña luagu Heowá kei ha híbiri gürigia?

  • Ka burí igaburi furendei wamaalibei tídangiñe Bíbülia?

Lanwoun ariñahani

Kátima san tarufudahabei Bíbülia?

Ibagari le aubei lagundaara Bungiu

Gayaraati wanügün aban ibagari le auti lagundaara Heowá. Inarüni gayara lan lumadagu wamá Bungiu.

Kátima san tarufudahabei Bíbülia?

Áhuduraguni le aubei lagundaara Bungiu

Sisi katei le arufudubalin kátaña lan lídanbaña relihión inarüniti