Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Kátaña san adügübalin lugundan heowá uguñe weyu?

Ka san lugundanbei Bungiu?

Ka san lugundanbei Bungiu?

Busenti Bungiu lun wawinwandun lun súnwandan lidan darangilaü luma ugundani lidan aban paraísu ubouagu.

Gama lumoun, gayarati hasaminarun: “Ida lubagia lasuseredun le?”. Chouru tumuti Bíbülia woun ladügüba lan Larúeihan Bungiu lun lasuseredun. Busenti Bungiu lun hafurendeirun sun gürigia luagu Larúeihan luma luagu lisuuni houn gürigia (Sálumu 37:11, 29; Isaíasi 9:7).

Busenti Bungiu lun buidu lan lidin woun.

Ítara kei busén lan aban úguchili buiti buiti houn lisaanigu, busenti giñe Wáguchi le siélubei lun wagundaarun lun súnwandan (Isaíasi 48:17, 18). Füramaseti le lan “adügüti lugundan Bungiu, labagariduba lun sun dan” (1 Huan 2:17).

Busenti Bungiu lun wéibugun lidan lémeri.

Arufudahatu Bíbülia busén lan Bungiu larufuduni “lémeri woun, gayara láamuga wéibugun lidan lémeri” (Isaíasi 2:2, 3). Anúadirati gürigia lídangiñetiña sun néchani “lun lánigume” lun hasubudiragüdüni lugundan lidan sun Ubóu (Adügaü 15:14).

Busenti Bungiu lun wáhuduragun lun lidan úarani.

Mafanreinragun lumutiña relihión le inarünibei gürigia, óundaraguarügü lumutiña lidan ínsiñeni le inarüniti (Huan 13:35). Ka arufudahabei houn wügüriña hama würiña ha lídangiñetiña ámuñegueinarügü ageiraü lun heseriwidun lun Bungiu lidan úarani? Amisuraha wamutün lun háluahani óunabagülei tidan garüdia to.

 

Lanwoun ariñahani

TATURIAHÓUN BÍBÜLIA

Ida liña wíchugun külase tídangiñeti Bíbülia?

Subudiwati lidan sun ubóu ru hamá gefentiña luagu Heowá külase tídangiñeti Bíbülia houn gürigia maguburahanga. Ariha huméi ida liña lan ladügǘn.

TATURIAHÓUN BÍBÜLIA

Ka uagu lunti lubéi haturiahanu Bíbülia?

Íderaguaaru Bíbülia saragu míñunu gürigia adarira óunabagülei lun lanarime burí álügüdahani le hadügübei hóuniwagua lidan habagari. Hínsiñeti hamuga hun huguya lan aban hádangiñe?

Kátima san tarufudahabei Bíbülia?

Ka san lisuinibei Bungiu lun Ubóu?

Lachülürüba san dan lun lagunfulirun lisuuni Bungiu lun paraísubei lan Ubóu le? Anhein ítara liña lubéi, ídaba san?