Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

“Redei humá lidan línsiñehabu Bungiu”

Gárada lúmagiñetu Sétanu le arihibei lau hawadigimari Gefentiña luagu Heowá

Gárada lúmagiñetu Sétanu le arihibei lau hawadigimari Gefentiña luagu Heowá

Houn sun ha hínsiñehabubaña lun Heowá:

Ariñagati Hesusu: “Ábame hasubudiruni inarüni, ábame lesefurunün inarüni” (Huan 8:32). Ma ruti dimurei le dǘgüdaguaü? Anha, gayarati wadariruni inarüni, íbini lidan “lagumuhóun dan” hénrenguti le le ídanbei gibe lan iyeeni (2 Timotéu 3:1). Chóuruti haritagua wamagili lan ugundani le wasandirubei dan le wafurendeirunbalin inarüni le tídanbei Lererun Bungiu. Ma lubuidun sügǘ!

Gama lumoun, úati buídurügü lan wasubudiruni inarüni, arufuda wameime houn amu. Mosu wawinwanduni. Le linarün katei, mosu werederun lidan línsiñehabu Bungiu. Ida luba wadügüni? Ru lumuti Hesusu óunabagülei aban guñoun lubaragiñe lounwen, dan le lariñagunbei houn lani apostolugu ha úaraguabaña: “Anhaün ñüdün lau le nubeibei, hínsiñememebadün nun, ítara kei nidin lau le lubeibei Núguchi, aba hínsiñememe nan lun” (Huan 15:10).

Ariha wamuti san ida liña lan libihin Hesusu lerederun lidan línsiñehabu Bungiu? Gaganbaditi lun lugumadin Lúguchi. Ani ligiaméme lunbei wadügüni. Lun werederun lidan línsiñehabu Bungiu, mosu wígirun lun ladundehaniwa inarüni lidan sun le wadügübei. Guñounméme ligía, ariñagati Hesusu: “Anhein gunfuranda humá burí katei le ani adüga humeime, gúndaabadün” (Huan 13:17).

Agurabatiwa tíderagubadün lan líburu to lun hasigirun awinwandei inarüni luma lun ‘herederun lidan línsiñehabu Bungiu agurabañu huméi ibagari magumuchaditi’ (Húdasi 21).

Sétanu le arihibei lau hawadigimari Gefentiña luagu Heowá lidan sun ubóu