Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le larufudahabei Bungiu nun tidan Bíbülia

 ARUFUDAHANI 30

Taramuduniña Raabü aríaahatiña fulasu

Taramuduniña Raabü aríaahatiña fulasu

Dan le hóudinbei aríaahatiña ísüraelina uburugun Herikó, rédeitiña túbiñe aban würi gíritu Raabü. Dan lasubudirunbalin lurúeite Herikó, aba lóunahan súdaragu túbiñoun Raabü. Aramuda tumutiña bián aríaahatiña hagía tábulugu tuban, ábati tóunahaniña súdaragu lidoun amu fulasu. Ariñagatu houn aríaahatiña: “Níderagubadün ladüga subuditi nun anihein lan Heowá huma ani hárügüdübei lan fulasu le. Füramase humá nun hesefurubaña lan niduheñu”.

Aba hariñagun aríaahatiña fulasu tun Raabü: “Füramasetiwa bun móunwenbei lan ni aban búbiñe”. Ariñagatiña giñe: “Dahibei gúrudu funati le luagu bufunederan, ábameti hesefurun biduheñu”.

Aba tarariragüdüniña Raabü aríaahatiña fulasu lau aban gúrudu luéigiñe funedera. Ñǘdüntiña aramudagua áraabu luagu ǘrüwa weyu, lárigiñe, aba hagiribudun le ñeinhin lubéi Hosué. Aba hánhiñuraguni ísüraelina duna Hordán, ábati haranserun lun hárügüdüni fulasu. Herikó furumiñetibei uburugu hagañeirun. Ariñagati Heowá houn lun  héibugun geyegu lau uburugu aban wéiyaasu luagu weyu luagu sisi weyu. Lídanti lisedün weyu, geyegua hamuti uburugu sedü wéiyaasu. Aba hínwirunu fádirigu hafidun, ábati hagúaragun súdaragu lau sun here. Aba léiguadun lubarieirun Herikó! Méiguaduntu tuban Raabü lau sun luáguñoun lan baríeiru. Séfutu hau sun tiduheñu ladüga afiñe tan luagu Heowá.

“Ligiaméme meha asuseredubei tun Raabü [...], resibi lumutu Bungiu keisi richaguatu luagu katei le tadügübei dan meha le tarufuduni tafiñen lau taramuduniña lóunagülegu Hosué, aba tíderaguniña lun hagiribudun lídangiñe amu üma” (Santiagu 2:25).

Lanwoun ariñahani

ARUFUDAHANI TÍDANGIÑETI BÍBÜLIA HOUN ISAANIGU

Afiñetu meha Raabü luagu Heowá

Aliihabéi abahüdaguni le subudi báamugei ida liña lan tasalbarun Raabü hama tiduheñu dan le lagünrinchawagunbei Herikó.