Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le larufudahabei Bungiu nun tidan Bíbülia

 ARUFUDAHANI 35

Tamuriahan Ana isaani luma Heowá

Tamuriahan Ana isaani luma Heowá

Maríeiti aban ísüraelina gíriti Elikaná hama bián würiña: Ana tuma Peniná. Hínsiñetimatu meha Ana lun. Gíbetiña meha tisaanigu Peniná, ánhounti Ana, masaanitu meha. Ligía tadaagubei Peniná bula tau. Sagü meha irumu, lanügüniña Elikaná liduheñu áhuduragua tidan sanduariu Siló. Aban weyu, dan le ñéinñanu lan, aba larihini Elikaná weiri lan tirun Ana, to wéiriboun tínsiñe lun. Lariñaga tun: “Mayahuahabá, Ana. Anahein buma ani hínsiñetibu nun”.

Lárigiñe, aba tidin Ana afurieida. Meredeti tayahun sun anuha lan amuriaha luma Heowá lun líderagunu. Füramasetu lun: “Heowá, ánhabu íchiga aban isaani eyeri nun, níchugubei bun lun leseriwidun bun lun sun libagari”.

Ariha lumuti Elí, fádiri le íñutimabei, tayahuña lan Ana, ábati lasaminarun bacharuañoun lan. Tariñaga Ana lun: “Uá, nabureme, mama bacharuañadina. Wéiriti nituróbulin ani nayanuhaña luma Heowá luagu”. Aba líchugun Elí fe charaali lan, ábati lariñagun tun: “Rulei Bungiu le bamuriahabei luma bun”. Aba buíduhali lan tasandiragun Ana tungua, aba tidin. Lubaragiñebei lásügürün aban irumu, aba gasaani tan aban irahü, Samueli líribei. Ma funa lueirin tugundan Ana, adián?

 Mabulieidun tumuti Ana le füramase tubéi lun Heowá. Kei lásurun tóunigiruni Samueli, aba tanügüni eseriwida tidan sanduariu. Ariñagatu lun Elí: “Anihán irahü le namuriahabei luma Heowá. Nederegeraali lun Heowá seriwi láamuga lun lun sun libagari”. Sagü meha irumu lidin Elikaná tuma Ana bisidei Samueli ani barütiña meha aban idáü marünatu lun. Rúyati Heowá ǘrüwa wügüriña hama bián würiña irahüñü tun Ana.

“Hamuriaha, ábame lichugún hun; háluaha, ábame hadarirun” (Matéu 7:7).