Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le larufudahabei Bungiu nun tidan Bíbülia

 ARUFUDAHANI 29

Lanúadiruni Heowá Hosué

Lanúadiruni Heowá Hosué

Yarafaali meha lounwen Moisesi lárigiñe lalidihaniña ísüraelina luagu saragu irumu. Lariñaga Heowá lun: “Mámaba buguya ebelaagüdaña ísüraelina lidoun Fulasu Füramasewati. Ígirarügü nubadibu lun barihini”. Ábati lálügüdüni Moisesi Heowá kaba lan iseri alidihati lanúadira lun lóunigiruniña lumutuniña. Lariñaga Heowá lun: “Beiba ariñaga lun Hosué ligía lan nanúadirubei”.

Ariñagati Moisesi houn ísüraelina málühali lan ounwe ani anúadira laali lan Heowá Hosué lun lalidihaniña lidoun Fulasu Füramasewati. Ariñagati giñe Moisesi lun Hosué: “Manufudedabá. Líderagubadibu Heowá”. Murusun dan lárigiñe, aba lamudeirun Moisesi luagun wübü Nebu, ábati ladügün Heowá lun larihini fulasu le meha füramase lubéi lun Abüraámü, Isaakü luma Hakobu. San-wein meha irumu lau Moisesi dan le lóunwenbei.

Ariñagati Heowá lun Hosué: “Hiñuguabei duna Hordán, beluba lidoun fulasu Kanán. Níderagubadibu kei meha níderaguni Moisesi. Mabulieidabei baliihani Nilurudun sagü weyu. Ganigibá ani manufudedabá. Beiba, adügabéi sun le nariñagun bun”.

 Óunahati Hosué bián aríaahatiña uburugun Herikó. Lídanme le aban leksióun, wafurendeiruba luagu le asuseredubei ñein. Dan hagiribudunbei, aba hariñagun buidu lan dan ligía lun hebelurun lidoun fulasu Kanán. Laruganbei, aba lariñagun Hosué houn ísüraelina lun hiñuragunu hakianpun-agei. Óunaha lumutiña fádirigu tau lubagüsina daradu habá habá luagun duna Hordán. Gíbeyati meha lidunari darí lun láfuridun lídangiñe lémeri. Gama lumoun, ráramati léibaagun duna kei ladagarun hagudi fádirigu lidoun, ábati lamabeidun. Éibugatiña fádirigu lamidanguoun lémeri duna, ábati hararamun ñein darí hánhiñuragun sun ísüraelina luagun le aban oubaü. Ma adügati milaguru le lun baritaguni le ladügübei Heowá lidan barana Funati?

Lárigiñe saragu irumu, beludüga meha ísüraelina lidoun Fulasu Füramasewati! Gayaraahali meha hábunagun haban luma burí uburugu. Gayaraahali meha giñe hábunagun nadü, beibei-agei luma ichari. Gíbeti meha éigini buiti luma uniñein lidan Fulasu Füramasewati darí lun hariñagun aban lan fulasu rísiti ani buiti lun ábunaguni.

“Nadundehabadibu súnwandan, níchuguba saragu éigini bun lidan fulasu mageirawati” (Isaíasi 58:11).