Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le larufudahabei Bungiu nun tidan Bíbülia

 ARUFUDAHANI 7

Wáyelesi le adügǘbei Babeli

Wáyelesi le adügǘbei Babeli

Lárigiñe Guran, aba gasaanigu hamá lirahüñü Noé, kada aban tuma lani weiriou. Aba hagibedagun haduheñu, ábati houdin awinwanda lidan ámuñegueinarügü fulasu ubouagu, kei lariñaguni Heowá houn.

Añahein méhati iduheñu maganbaditiña lun Heowá. Ariñagatiña: “Redei wamá ya, bunagua wamá aban uburugu luma aban wáyelesi le achülürüti sielu, aganbahóua láamuga wawagu”.

 Magundanti Heowá lau le hadügübei, ligía lararamunbaliña. Subuditi bun ida liña lan ladügüni? Adügati lun sódini lan hagumeserun ayanuha lidan ámuñegueinarügü iñeñein. Wátiña gürigia lun uburugu ligía Babeli ladüga “yuriguaü” lan mini lubéi. Kei siñaali lubéi meha gunfurandagua hamá houngua, aba masigihaña lan ábunagua, ábati houdin awinwanda lidan ámuñegueinarügü fulasu ubouagu, íbini ítara, sigitiña adaagua katei wuribati. Añahagua funa meha san gürigia ha hínsiñeti Heowá houn? Warihibei lidan le aban kapítulu.

“Le anaaguti lungua weiri, ǘnabubei lanügǘn; anhein le ǘnabubei lanaagun lungua, wéiribei lanügǘn” (Lúkasi 18:14).