Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le larufudahabei Bungiu nun tidan Bíbülia

 ARUFUDAHANI 74

Mesiasihali Hesusu

Mesiasihali Hesusu

Barühali Huan saragu dan apurichihei uganu le: “Málühali aban le gabafutimati nuéi ñübuin nárigiñe”. Dan le gúnfulihali Hesusu kéiburi 30 irumu, ñǘdünti Galiléagiñe darí duna Hordán le ñein lubéi meha labadiseiraña Huan gürigia. Busenti meha giñe Hesusu lun labadiseiruni Huan, ábati lariñagun Huan lun: “Mama au lunbei nabadiseirunibu. Buguya lunbei babadiseirunina”. Lariñaga Hesusu lun: “Busenti Heowá lun babadiseirunina”. Ligía hadaburunbei lidoun duna Hordán, ábati labuluchuni Huan Hesusu lidan duna sunsuinagubei.

Lárigiñebei láfuridun Hesusu dúnarugugiñe, aba lafurieidun. Ouraméme ligía, aba ladaarun sielu, ábati lararirun lani Bungiu sífiri luagun Hesusu kamá aban unhun. Ábati lariñagun Heowá siélugiñe: “Buguya Niraübei le hínsiñebei nun; gúndaatina bau”.

Ítara liña leresibiruni Hesusu lani Heowá sífiri sandu ani lúmagiñe oura ligía, aba Mesiasihali lan o Kristu. Gayaraahali meha lagumeseruni wadagimanu le unbei lóunahei Heowá ubouagun.

Lárigiñebei labadiseirun Hesusu, aba lidin lidoun fulasu mageirawati, ábati lerederun ñein 40 weyu. Dan lagiribudunbei, aba lidin arihei Huan. Dan larihinbalin Huan Hesusu ayarafada lun, aba lariñagun: “Anihán Mudún le lóunahabei Bungiu lun lagidaruni hafigoun gürigia”. Lau dimurei burí le larufudei Huan houn gürigia Hesusu lan Mesiasibei. Subuditi san bun ka lan asuseredubei dan le lídanñein lubéi fulasu mageirawati Hesusu? Warihaali.

“Aba laganbúniwa lariñagun aban umalali siélugiñe: ‘Buguya niráü le hínsiñebei nun; le aubei óunwenbu lan nugundan’” (Márükosu 1:11).