Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le larufudahabei Bungiu nun tidan Bíbülia

 ARUFUDAHANI 76

Larumadahanu Hesusu ténpulu

Larumadahanu Hesusu ténpulu

Kéiburi lidan gádürü-hati lidan irumu 30, aba lidin Hesusu uburugu Herusalén. Chülütiña bandi gürigia uburugun lubá lefeduhóun Luéyuri Esefuruni. Lidan fedu ligía, dagagüdatiña gürigia animaalugu ténpulurugu. Añahein hádangiñe, barǘ hamutiña animaalugu hámagua, ha híbiri, agañeiha hamutiña ñein Herusalén.

Dan lachülürünbei Hesusu ténpulurugu, ariha lumutiña gürigia aluguraha animaalugu ñein. Hagañeiruña meha seinsu houngua tidan luban áhuduraguni lun Heowá! Kati ladügübei Hesusu? Aba ladügün aban abeigülei lauti gúrudu lun lasagaruniña mudún hama bágasu tídangiñe ténpulu. Garabagua lumuti hadabulan  ha asansihabaña seinsu, chagaléi haseinsun múarugun. Ariñagati Hesusu houn ha alugurahabaña unhun: “Sagá huméi katei burí le yáagiñe! Manüga humóun luban Núguchi kei fulasu lun halugurahan!”.

Aba taweiridun hanigi gürigia ha tídanbaña ténpulu lau harihini le ladügübei Hesusu. Ábati haritaguni lani disipulugu profesía luáguti Mesíasi le ariñagubei: “Wéiribei inebesei le lasandirubei tuagu luban Heowá”.

Dan lárigiñe, lidan irumu 33, arumadaha lumutu Hesusu ténpulu luagu libiaman wéiyaasu. Mígirunti lun hóuserunu gürigia luban Lúguchi lau minebeni.

“Siñati leseriwidúniwa lun Bungiu luma lun irisini” (Lúkasi 16:13).