Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le larufudahabei Bungiu nun tidan Bíbülia

 ARUFUDAHANI 71

Góunigi lumuti Heowá Hesusu

Góunigi lumuti Heowá Hesusu

Saminatiña meha gürigia ha lídangiñebaña oubaü le ñéingiñe lubéi laboucha weyu libiti Ísüraeli, gayara lan tadundehaniña waruguma. Aban guñoun, aba harihin fiu wügüriña ha lídangiñetiña fulasu ligía aban katei sielu le tenege waruguma ámiriha habá habá, ábati houdin tárigi. Barǘ tumutiña “waruguma” tuguya darí Herusalén. Ábati hagumeserun wügüriña hagía álügüdaña gürigia: “Hagéi san irahü le lunbei harúeite lan huríu? Wayabiña abuluchagua ligibugiñe”.

Dan laganbunbei Erodesi, le lurúeite Herusalén, luagu aban iseri urúei, aba ladiheridun saragu. Ábati lálügüdüniña hábutigu fádirigu: “Halíaba san nasirua lan urúei ligía?”. Hariñaga lun: “Ariñagatiña profetagu Belénba lan nasirua lan”. Ligía lagúarunbei Erodesi houn wügüriña ha arihubarun waruguma, lariñaga houn: “Heiba Belén, háluaheime irahü ligía. Ábameti hagiribudun ariñagei nun halíañein lan, ladüga busentina giñe nabuluchagun lun”. Le meha liyeeni!

Ábaya tidin “waruguma” tuguya habá habá wügüriña hagía darí hachülürün Belén. Aba tararamun tóugiñe aban muna, ábati hebelurun wügüriña hagía ñeinhin. Ñein hadarirei Hesusu tuma María to lúguchu. Buluguatiña ligibugiñe irahü edeweha hagía golu, kupali hémeti luma mira lun. Heowá san óunahabaliña wügüriña hagía áluahei Hesusu? Uá.

Guñoun ligía, ariñagati Heowá lun Hosé lidan aban uénedü: “Busenti Erodesi láfaruni Hesusu hilagubei. Anurahabá Ehiptun tau bani weiriou luma bisaani. Berederame ñein darime nariñagun bun gayaraahali lan bagiribudun”. Lau lóufudagun, aba lidin Hosé hau liduheñu Ehiptun.

Ariñagati Heowá houn wügüriña ha arihubarun waruguma lun magiribudun hamá lun Erodesi. Dan líchugunbei Erodesi fe magiribudun hamá wügüriña hagía, aba lagañidun saragu. Kei madari lubalin Hesusu, ruti gumadi lun háfarawagun sun irahüñü ha liseisin Hesusu Belén. Ánheinti Hesusu séfuñu liña meha Ehiptu, dise luéi Belén.

 Lau lásügürün dan, aba lounwen Erodesi. Ariñagati Heowá lun Hosé: “Gayaraahali bagiribudun”. Aba lagiribudun Hosé tuma María lau Hesusu Ísüraelin, ábati houdin awinwanda uburugu Nasarétü.

“Ítara liña giñe dimurei le áfuridubei niyumulugugiñe [...] gúnfuli lumuti le nariñagubei” (Isaíasi 55:11).