Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le larufudahabei Bungiu nun tidan Bíbülia

 ARUFUDAHANI 57

Lóunahani Heowá Heremíasi apurichiha

Lóunahani Heowá Heremíasi apurichiha

Anúadira lumuti Heowá Heremíasi kei profeta houn lílana Hudá. Óunaha lumuti apurichiha luma ariñaga houn lun hebé lan hadaagun katei wuribati. Ariñagati Heremíasi: “Heowá, ñǘraügidina ani ibidiñeti nun ida luba lan nayanuhan hagibugiñe gürigia”. Lariñagati Heowá lun: “Manufudedabá. Níderagubadibu. Nariñagubei bun kaba lan bariñaga”.

Ariñagati Heowá lun Heremíasi lun lóundaraguniña wéiyaaña mutu, bougua ligíame aban ágeidinaü lauti múa hagibugiñe, ariñageina: “Ítara luba labouchawagún Herusalén kei ágeidinaü le”. Dan le ladügünbalin Heremíasi lira, aba hagañidun wéiyaaña mutu. Aba lagayuahan aban fádiri gíriti Pasuru luagu Heremíasi, ruléi lúhabu luma lugudi lidoun burí huyu le luágubei aban murusun fulansu. Siñati lánhingichun Heremíasi sun áriebu. Ígiragüda lumuti Pasuru Heremíasi larugan binaafin. Lariñagati Heremíasi: “Mawandun naali katei le. Masigihadina apurichiha”. Masigiti san Heremíasi apurichiha, kei lariñaguni? Uá. Lárigiñebei lasaminaruni Heremíasi buidu, aba lariñagun: “Ítara liña uganu lúmagiñeti Heowá nidan kei aban watu gemeti. Siñati mapurichihan nan”. Sigiti Heremíasi eweridiraña gürigia.

Sügüti bandi irumu, ábati ñein lan aban iseri urúei Hudá. Iyereeguti meha uganu le lapurichihabei Heremíasi houn fádirigu luma houn profetagu mama inarünitiña. Ligía hariñagunbei houn gumadimatiña: “Lunti lounwen wügüri le”. Lariñaga Heremíasi: “Ánhana háfara hilagubei, háfaruñame aban gürigia madurunti. Mama nererun nariñagubei, Lererun Heowá”. Dan le haganbunbalin gumadimatiña lira, aba hariñagun: “Moun lumuti lounwen wügüri le”.

Sigiti Heremíasi apurichiha, ánheinti guentó gumadimatiña  agañidubaña. Aba hamuriahan luma urúei lun láfaruni Heremíasi hilagubei. Ariñagati urúei houn lun hadügüni le habusenrun lau. Ábati hárügüdüni gumadimatiña Heremíasi, aba hádaruni lidoun aban fusu huliliti ani buin liña lau múa. Agurabatiña yebe lun lounwen ñein. Aba lagumeserun Heremíasi abulucha lidan múa.

Anihein meha aban wügüri le nadagimeinti lun urúei gíriti Ewedi-mélekü, ariñaguti lun: “Da hamá gumadimatiña Heremíasi lidoun aban fusu. Anhein wígira ñein, lóunweba!”. Aba líchugun urúei gumadi lun Ewedi-mélekü lun lanügün 30 wügüriña lúmagua lun lidin asagarei Heremíasi lídangiñe fusu. Ma lunti ítara wamá kei meha Heremíasi, le mígirunbei lun ñein lan adügüti lun lararamuni lapurichihan?

“Hiyereegudúba lun sun ubóu nuéigiñe; gama lumoun le áfaaguti darí lumoun lagumuhóun, ligíaba asalbara” (Matéu 10:22).

Lanwoun ariñahani

ARUFUDAHANI TÍDANGIÑETI BÍBÜLIA HOUN ISAANIGU

Meredeti lapurichihan Heremíasi luagu Heowá

Adügatiña meha gürigia bula lau Heremíasi gañi hagía luma ladüga lapurichihan houn luagu Heowá. Ka uagu lasigirunbei apurichiha houn?