Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le larufudahabei Bungiu nun tidan Bíbülia

 ARUFUDAHANI 2

Ladügüni Bungiu furumiñeti wügüri tuma furumiñetu würi

Ladügüni Bungiu furumiñeti wügüri tuma furumiñetu würi

Bunaguati Heowá aban fuluri-agei lidan aban fulasu gíriti Edén. Anihein meha bandi fuluri, tídibu wewe hama animaalugu ñein. Lárigiñe, aba ladügüni Bungiu Adán, le furumiñeti wügüri. Adüga lumuti lau múa, ábati láfurun lígirugun. Subuditi bun ka lan asuseredubei? Aba lagumeserun wügüri awinwanda! Ariñagati Heowá lun Adán lun lóunigiruni fuluri-agei luma lun líchugun hiri sun animaalugu.

Ru lumuti Heowá gumadi súdiniti le lun Adán: “Gayaraati beigin lídangiñe tin furumiñeguarügü tídibu wewe, ánheinti tídangiñe aban, moun lumuti beigin ladüga espechalitu. Anhoun beiga bóunweba”.

Dan lárigiñe, aba lariñagun Heowá: “Nadüga aban ídemuei lun Adán”. Aba ladügün lun larumugun Adán, ábati lasagarun aban lídangiñe luruhure lun ladügün aban weiriou lun. Ewa meha tíribei. Adán tuma Ewa furumiñebaña iduheñu. Ka lasandirubei Adán dan larihinbarun lani weiriou? Wéiriti meha lugundan darí lun lariñagun:  “Tubuidun würi to ladügüboun Heowá lídangiñe nuruhure mau! Anati guentó, anuheinharu aban gürigia kei au!”.

Ariñagati Heowá lun Adán tuma Ewa lun habuinchagüdüni ubóu hau hasaanigu. Busenti meha lun gunda hamá awadigimarida lidan aban lun hadügüni ubóu ábanme paraísu. Ítarabei hamuga meha lubuidun kei fuluri-agei Edén. Híruti masuseredun lan ítara. Subuditi bun ka lan uagu? Warihibei lidan le aban kapítulu.

“Dan le ladügünbaliña Bungiu gürigia, adüga [lumuti] wügüri, adüga würi” (Matéu 19:4).