Keimon lidoun ariñahani

Keimon lidoun libiaman menú

Gefentiña luagu Heowá

Garifuna

Katei san Larúeihan Bungiu?

Katei san Larúeihan Bungiu?

Hariñaguña hamuga san...

  • ... lubafu Bungiu tidan hanigi gürigia?

  • ... fulasu le ídounbei houdin hilaaña?

  • ... aban arúeihani sielu?

 LE TARIÑAGUBEI BÍBÜLIA

“Ladügüba Bungiu le siélubei aban arúeihani le siñabei lagünrinchaguni [...] ni aban.” (Danieli 2:44, Sandu Bürütu.)

“Rúhali Wabungiute aban isaani woun le unbei lichugúa ubafu lun lagumadihan.” (Isaíasi 9:6.)

IDA LIÑA LÍDERAGUNIWA WASUBUDIRUNI KATEI LE?

  • Gayaraabei líderaguni arúeihani richati le kada aban wádangiñe (Isaíasi 48:17, 18).

  • Málühali adüga lun wawinwandun lidan aban iseri ubóu lau ugundani ani úaalime sandi (Arufudúni 21:3, 4).

 ANIHEIN SAN RESUN LUN WAFIÑERUN LUAGU LE TARIÑAGUBEI BÍBÜLIA?

Anha, wayanuha luagu biama lídangiñe:

  • Arufuda lumuti Hesusu kaba lan buiti lanüga Larúeihan Bungiu. Arufudahati houn lani disipulugu lun hafurieidun amuriaha lun liabin Larúeihan Bungiu adügǘwa láamuga lugundan Bungiu ya ubouagu (Matéu 6:9, 10). Ani arufuda lumuti ida luba lan lounabúniwa furíei le.

    Dan meha ubouagu lubéi Hesusu hóugüdati lamaaña, areidaguagüdati sánditiña ani íbini hilaaña saragüdati (Matéu 15:29-38; Huan 11:38-44). Kei Urúei le meha lunbei lagumadihan lidan Larúeihan Bungiu, arufudati Hesusu fiu lídangiñe katei buíduburiti le lunbei hawinwanduni gürigia lábugiñe Arúeihani le (Arufudúni 11:15).

  • Arufuda lumuti katei burí le asuseredubei ubouagu málühali lan Larúeihan Bungiu. Ariñagati Hesusu lidan aban profesía lubaragiñe lanme lanügün Larúeihan Bungiu darangilaü ubouagun, ñeinbei lan burí wuribu, ilamaü luma hárabaganali (Matéu 24:3, 7).

    Uguñe weyu, warihiñein sun turobuli le. Ligía gayara lubéi wachoururuni málühali lan Larúeihan Bungiu aransehei.

 ÁLÜGÜDAGUA HUMÁ HUNGUA

Ida luba ibagari lábugiñe Larúeihan Bungiu?

Hadarirubei óunabagülei tídangiñeti Bíbülia lidan SÁLUMU 37:29 luma ISAÍASI 65:21-23.