Keimon lidoun ariñahani

Keimon lidoun libiaman menú

Gefentiña luagu Heowá

Garifuna

Lachülürüba san dan lun masufurirun wamá?

Lachülürüba san dan lun masufurirun wamá?

Hóunabuña hamuga san...

  • ... anha?

  • ... uá?

  • ... o háfuga?

 LE TARIÑAGUBEI BÍBÜLIA

“Laragahabei [Bungiu] sun háguira; úaalime óunweni ni ayahuni ni íruni ni igarigu.” (Arufudúni 21:3, 4, Sandu Bürütu.)

IDA LIÑA LÍDERAGUNIWA WASUBUDIRUNI KATEI LE?

Wasubudirubei lau ichouruni mama lan Bungiu lébunabei turóbuli burí le gádanbaliwa (Santiagu 1:13).

Wárügüdüba gurasu lau wasubudiruni gunfuranda lani Bungiu wagarigu (Sakaríasi 2:8, 9).

Gemenigibadiwa luagu úabei lan ni kata adügüti lun wasufurirun ámuñegü (Sálumu 37:9-11).

 ANIHEIN SAN RESUN LUN WAFIÑERUN LUAGU LE TARIÑAGUBEI BÍBÜLIA?

Anha, wayanuha luagu biama lídangiñe:

  • Iyereeguti asufuriruni luma marichaü lun Bungiu. Ida liña san lasandiragun Heowá lungua dan le houserúnwabei lumutuniña wuriba lidan binadu dan? Ariñagatu Bíbülia gari lan meha lun larihini “hayahun luma hasufurirun” (Alidihatiña 2:18).

    Mínsiñehabuti Bungiu houn gürigia ha adügübaña lun hasufurirun amu. Kei hénpulu, ariñagatu Bíbülia luagu iyereegu lan “úhabu le áfarahati gürigia maduruntiña” lun (Ariñawagúni 6:16, 17).

  • Bereseti Bungiu lau kada gürigia. Íbini hasaminarun luagu huguyarügüñein lan asubudirei “higarigu luma hidiheri”, le linarün katei, subudi lumuti giñe Heowá (2 Crónicas 6:29, 30, La Palabra de Dios para Todos).

    Yarafa madise, danme le larúeihan Bungiu lagidarubei lasufurirun kada gürigia (Matéu 6:9, 10). Lidan wagurabahani lachülürün dan ligía, ruti gurasu houn sun ha áluahabalin lau sun taruman hanigi (Adügaü 17:27; 2 Korintuna 1:3, 4).

 ÁLÜGÜDAGUA HUMÁ HUNGUA

Ka funa san uagu lígira Bungiu lun wasufurirun?

Hadarirubei óunabagülei tídangiñeti Bíbülia lidan RÓMANA 5:12 luma 2 FÉDURU 3:9.

Lanwoun ariñahani

UGANU BUITI LÚMAGIÑETI BUNGIU

Ka uagu lígira Bungiu lun ñein lan wuribani luma asufuriruni?

Ida liña lagumeserun wuribani? Ka uagu lígirei Bungiu? Lachülürüba san dan lun masufurirundigiaadiwa lan?