Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Kátima san tarufudahabei Bíbülia?

 LANWOUN ARIÑAHANI

Lunti san gádan lániwa efeduhani?

Lunti san gádan lániwa efeduhani?

MAMA tídangiñe Bíbülia liabin efeduhani tani relihión ni fedu le burí adügǘbei lidan ámuñegueinarügü ageiraü ligibuagu sun ubóu. Haliagiñeti liabin? Anhein gayara lubéi hidin tidan aban líburu-agei, gayarabei hadarirun ariñahani súdiniti luagu burí fedu le efeduhóubei lidan hageira. Ariha wamá fiú hénpulu.

 Semana Santa. Íbini ariñawagúa lan luagu laritawaguña lan lounwen luma láguyugun Hesusu, gíbeti burí échuni le mama kristiánu lidan, kei burí asariñagüdÿni. Según Las Grandes Religiones Ilustradas, saragu dan lubaragiñe Kristu, “wéiriti meha hetenirun [babilóniana] houn guáriua ha sagüráutiña [...]. Sansiguagüda hamutiña meha guáriua hagía tau ílagu sérutu, wendegüda hamaña lau iñari, bángüli luma burí bagü; ani sagá hamutiña lidan asariñagüdÿni”.

Iseri Irumu. Ámuñegueinarügüti luéyuri luma lefeduhóun Iseri Irumu lídangiñe aban ageiraü lidoun amu. Aliihatiwa luagu halíagiñe lan liabin: “Lidan irumu 46 lubaragiñe Kristu anúadira lumuti urúei rómana le gíribei Huliu Sésarü, 1 lidan eneru, lun luéyurime Iseri Irumu. Ru hamuti rómana weyu ligía lun Hano, lubungiute bena luma agumeseruni. Hati eneru [lidan latín, Januarius] lúmagiñe Hano liabin liri, biamañein meha ligibu Hano: aban ariha ligibugiñoun le aban ariha lárigoun” (The World Book Encyclopedia). Ligíati, échuni mama kristiánu lébunabei lefeduhóun Iseri Irumu.

Haweyuri hilaaña. Ariñagatu The Encyclopædia Britannica to lánina irumu 1910: “Haweyuri hilaaña [...] weyu le anuadirúabei tidan Ligilisi Katolika Rómana lun laritawagun hawagun hilaaña ha úaraguatiña. [...] Anihein burí afiñeni komunti le luáguti Haweyuri Hilaaña mama kristiánu ani lühali darí lun maritawagunhali lan ídabuga lan lagumesera. Lidan ageiraü katoliku afiñetiña giribu hamá hilaaña tidoun muna to meha ñein lubéi heredera lun héigin guñoun ligía” (Tomo 1, páhina 709).

Amu burí fedu. Siñati layanuhóun luagu sun fedu le efeduhóubei lidan sun ubóu. Gama lumoun, máhati Heowá lun ni aban efeduhani le íchuguti uéiriguni houn gürigia o lun somu óundaruni (Heremíasi 17:5-7; Adügaü 10:25, 26). Mabulieida huméi giñe, lunti lan hakutihani ka lan lébunabei somu fedu lánina relihión, ligía amu manera lun hasubudiruni anhein gunda lubéi Bungiu lau (Isaíasi 52:11; Arufudúni 18:4). Lúrudu burí le afuranguagüdüwabei lidan kapítulu 16 tidan líburu to, líderagubadün asubudirei ida liña lan larihini Bungiu gádan lániwa amu burí fedu le mama tani relihión.