Keimon lidoun ariñahani

Keimon lidoun libiaman menú

Gefentiña luagu Heowá

Garifuna

Ida liña san harihinu Bíbülia?

Ida liña san harihinu Bíbülia?

Hariñaguña hamuga san...

  • ... aban tan líburu lau hasaminan wügüriña?

  • ... buin tiña lan lau úraga luma saminaü le mébunati?

  • ... Lererun tan Bungiu?

 LE TARIÑAGUBEI BÍBÜLIA

“Sun le bürüwañubei tidan Bíbülia luganute Bungiu.” (2 Timoteo 3:16, Biblia en Lenguaje Sencillo.)

IDA LIÑA LÍDERAGUNIWA WASUBUDIRUNI KATEI LE?

Wadariruba óunabagülei le chóuruti lun óunwenbu burí álügüdahani le lánina ibagari (Ariñawagúni 2:1-5).

Wibihiba adundehani le chóuruti lidan ibagari (Sálumu 119:105).

Gemenigibadiwa lubá ámuñegü (Rómana 15:4).

 ANIHEIN SAN RESUN LUN WAFIÑERUN LUAGU LE TARIÑAGUBEI BÍBÜLIA?

Anha, wayanuha luagu ǘrüwa lídangiñe:

  • Mariñaguntu Bíbülia aban katei, lárigiñe aba tariñagun amu. Kéiburiñanu bián-wein wügüriña ha abürüdübarun Bíbülia lidan milu-sisi-san irumu. Íbini masubudiragun hamá hibe-agei wügüriña hagía hóuniwagua, úati saminaü tidan Bíbülia le kóntürati luagu amu ani ábanrügüñein tema uáguti tayanuha.

  • Furangu le harufudubei abürühatiña. Sun abahüdagutiña luagu dan le sügühalibei súnwandan haramuduni katei wuribati kéiburi dan le leferidirun hageira somu wuribu. Ánhañati abürühatiña Bíbülia, maramudun hamuti hachara ni lichara hanechani (2 Krónikasi 36:15, 16; Sálumu 51:1-4).

  • Súnwandan lagunfulirun profesía le tídanbei. Kéiburi bián-san irumu lubaragiñe lagünrinchawagun binadu uburugu Babilónia, bürüwaali meha tidan Bíbülia luagu lasusereduba lan (Isaíasi 13:17-22). Ani mama ariñagarügü tumuti ida luba lan léiguadun uburugu, ariñaga tumuti giñe liri le lunbei lagañeiruni (Isaíasi 45:1-3).

    Gúnfuliti giñe saragu amu profesía tídangiñeti Bíbülia darí lumoun lagumuhóun dimurei. Ma ligía agurabahóubei tídangiñe Lererun Bungiu? (2 Féduru 1:21.)

 ÁLÜGÜDAGUA HUMÁ HUNGUA

Ida liña gayara lan tíderagunina Lererun Bungiu?

Hadarirubei óunabagülei tídangiñeti Bíbülia lidan ISAÍASI 48:17, 18 luma 2 TIMOTÉU 3:16, 17.

Lanwoun ariñahani

UGANU BUITI LÚMAGIÑETI BUNGIU

Lúmagiñe san Bungiu liabin uganu buiti le tídanbei Bíbülia?

Ka uagu gayara lubéi wachoururuni inarüni lan sun le tídanbei Bíbülia?