Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Gayaraati gunda lan hibagari keisi iduheñu

 SEKSIÓUN 9

Hudugua humá lun Heowá úara hama hiduheñu

Hudugua humá lun Heowá úara hama hiduheñu

“Hudugua humá lun le adügübalin sielu luma ubóu.” (Arufudúni 14:7)

Kei aubei harihei tidan garüdia to, dariwati saragu adundehani tidan Bíbülia le lunbei líderagunün hau sun hiduheñu. Busenti Heowá lun gunda humá. Füramaseti giñe “líchuguni sun le hemegeirubei hun” anhein híchiga heseriwidun lun lidan furumiñeti lúgaaru lidan hibagari (Matéu 6:33). Busenti Bungiu lun gamadagua humá hungua luma. Ligíati, meferidira humá chansi lun hederebudagüdüni humadagua luma, lugundun ligía chansi wéirigutimabei lídangiñe sun chansi le gayaraabei gama lani gürigia (Matéu 22:37, 38).

 1 DEREBUGÜDA HUMÉI HUMADAGUA LUMA HEOWÁ

LE TARIÑAGUBEI BÍBÜLIA: “Ábame aban nan úguchili hun, huguyame nirahüñü, liña lariñagun Aburemei Suntigabafu” (2 Korintuna 6:18). Busenti Heowá ladügün aban buiti umadaguaü huma ani furíei aban lídangiñe katei le ídehabei lun layarafadúniwa lun. Amisuraha lumutiwa: “afurieida humá [...] sun dan” (1 Tesalónikana 5:17). Gúndaati dan le habahüdaguni hidiheri luma sun le tídanbei tilulin-agei hanigi lun (Filipuna 4:6). Anhaün afurieida lun úara hama hiduheñu, harihibei inarüniti lan Bungiu hun.

Gama lumoun, mama adimureharügübadün lun Bungiu, mosu giñe haganbuni. Ida? Lau haturiahanu Lererun tuma burí agumeiraguagüdüni to asagarúboun tídangiñe (Sálumu 1:1, 2). Ráramagua humá asaminara luagu le hafurendeirubei (Sálumu 77:11, 12). Lun haganbuni Bungiu, súdiniti giñe hidin adamuridagua hama amu kristiánugu (Sálumu 122:1-4).

Hapurichihan luagu Heowá houn amu gürigia ligía ábanya katei le ederebudagüdübalin humadagua luma. Éibume gabügürügua lan hadügüni, yarafatimaabei hasandiragun hungua lun (Matéu 28:19, 20).

LE GAYARAABEI HADÜGÜNI:

  • Direi humá dan sagü weyu lun hafurieidun luma lun haliihanu Bíbülia

  • Íderagua humaña tílana huban íchigei sun le lunbei hadügüni lidan heseriwidun lun Bungiu lidan furumiñeti lúgaaru, lubaragiñe lun lan isebáhari hetenira furumiñe

2 DARÍ HUMÁ UGUNDANI LIDAN HÁHUDURAGUN KEI IDUHEÑU

LE TARIÑAGUBEI BÍBÜLIA: “Yarafa humá lun Bungiu, ábame giñe layarafadun hun” (Santiagu 4:8). Anúadira humá aban weyu luma aban oura lun háhuduragun lun Bungiu úara hama hiduheñu (Agumesehani 18:19). Gama lumoun, lunti giñe hadügüni le: híchuguni Bungiu furumiñe lidan sun le hadügübei derebugugüda humeime hamadagua hiduheñu luma. Ariñagatu Bíbülia: “Arufudahab[á] [luagu Heowá] houn birahüñü [...] dandu búbiñe kei luagu béibuguniwagu, danme le barounrun luma danme le básaarun” (2 Lúrudu 6:6, 7). Desidírü humá hadügüni lememe desidírü lubéi meha Hosué, le ariñagubei: “Ánheinti au hau tílana nuban lunba [Heowá] weseribida” (Hosué 24:15).

LE GAYARAABEI HADÜGÜNI:

  • Adüga humá aban programa lánina arufudahani le lunti ladügǘn sagü dan según le lemegeirubei kada tílana huban

Lanwoun ariñahani

KÁTAÑA SAN ADÜGÜBALIN LUGUNDAN HEOWÁ UGUÑE WEYU?

Ka san áhuduragunibei lidan familia?

Furendei huméi ida liña lan lídehan haturiahanu Bíbülia úara hama hiduheñu lúntima hayarafadun lun Bungiu luma lun buídutima lan hanaagun hungua.

Kátima san tarufudahabei Bíbülia?

Ida luba gunda lan hibagari kei familia

Ruti Hesusu aban hénpulu lánina ínsiñehabuni houn wügüriña hama würiña maríeitiña, houn agübürigu luma houn isaanigu. Ka wafurendeirubei lúmagiñe?