Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Niliburun lánina abahüdaguni tídangiñeti Bíbülia

Fánreinti 5: Hanügǘn Babilónioun darí lábunawagunya baríeiru

Fánreinti 5: Hanügǘn Babilónioun darí lábunawagunya baríeiru

Dan le añahagua lan ísüraelina aganawa Babilónia lárigiñe hanügǘn, óuchawaguati hafiñen saragu. Aba hagurún Sadürákü, Mesakü, luma Awedi-negó lidoun régigi durunguti, ani sagá lumutiñu Bungiu wínwanñu. Lárigiñe hagañeiruni médiana hama pérüsiana Babilónia, aba lagurún Danieli lidoun huyu le ñein habéi liñún, gama lumoun sefu lumuti Bungiu lau ladouruni hayuma liñún.

Siru urúei pérüsiana alíbürerubaniña ísüraelina. Ábati hagiribudun hageiroun 70 irumu lárigiñe hanügǘn Babilónioun. Aban lídangiñe furumiñeti katei le hadügübei dan le hagiribudun Herusaléun aba hagumeserun ábunaguoun litenpulun Heowá. Ani lau lufurese aba hararamuni áganiñu hawadigimari. Ítara liñati kéiburi 22 irumu lárigiñe hagiribudun Herusaléun hagumuchoun ténpulu.

Lárigiñe furendeitiwa luagu luéiyasun Ésüdürasi dan le lagiribudunbei Herusaléun lun tewendedun ténpulu. Susereti le kéiburi 47 irumu lárigiñe tóunwebudun ténpulu. Ani 13 irumu lárigiñe luéiyasun Ésüdürasi, ídehati Neemíasi lun lábunawagunya lubarieirun Herusalén. Fánreinti SEINGÜ abahüdaguati luagu le asuseredubei lidan 152 irumu darí lumoun dan ligía.

Lafurieidun Ésüdürasi hama gürigia