Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Niliburun lánina abahüdaguni tídangiñeti Bíbülia

Abahüdaguni 47: Aban híweruti Ísüraeli

Abahüdaguni 47: Aban híweruti Ísüraeli
Laramuduñen Akán le liweruhabei

ARIHABÁ ka lan lábunubei wügüri le tidan likianpun! Aban daüguaü buitu, golu luma fiú murusun pülata. Herikogiñe lasagarei katei burí le. Gama lumoun, ka yebe san lunbei ladügǘn lau katei burí le asagarubei Herikógiñe? Haritaguabagili?

Lunti yebe lagünrinchawagun, ánheinti golu luma pülata lunti líchugun tidoun lani Heowá tabernákulu. Ítara liña, maganbaditiñu gürigia ha, lun Bungiu ani íweruha hamuti lumegen. Akán liri wügüri ligía, gürigia ha úarabaña luma, hádangiñetiña lufamilia. Ariha waméi kaba lan asusereda.

Lárigiñe líweruhani Akán katei burí le, aba lóunahan Hosué fiú wügüriña ageindagua kóntüra lílana uburugu Ai. Gama lumoun féridi hamuti wuribu. Hilatiñu fiú, ha híbiri aba hanurahan. Wéiriti lirun Hosué. Aba labuluchagun afurieida lun Heowá lariñaga: ‘Ka uagu bígira lun lasuseredun le?’

Aba lóunabun Heowá: ‘Saraba! Afigouhaaña ísüraelina. Barühaña lídangiñe burí katei le lúntibei yebe lagünrichawagun o lichugún tidoun lani Bungiu tabernákulu. Íweruhaaña aban daüguaü buitu ani mariñagun hamuti. Mabinirun nubaña darime gumuguagüda hamaaru daüguaü tuguya lau sun le íweruhabei.’ Ariñagati Heowá larufudubei lan lun Hosué katei lan wügüri le wuribabei.

Aba lubeiti lóundaruniñu Hosué sun gürigia, ábati lasagaruni Heowá wügüri wuribati ligía, Akán. Aba lariñagun Akán: ‘Afigouhaadina. Aba narihin aba daüguaü buitu, luma golu luma fiú murusun pülata. Wéiriti nabuseeruni katei burí ligía aba lubéi nanügüni. Gayarati hadariruni súngubei bunañu turageirugu nikianpun.’

Dan le ladarirún katei burí ligía aba hanügüni lun Hosué, aba lariñagun Hosué lun Akán: ‘Ka uagu banügei lamiselu le wawagun? Guentó lábürügüdaali Heowá lamiselu le buagun!’ Aba hachamuragun sun gürigia dübü luagun Akán hau sun lufamilia darí lun hóunwegun. Ma arufudati le woun lun maweiyasun wamá anüga katei le mama wani?

Lárigiñe ábaya háfuridun ísüraelina ageindagua kóntüra Ai. Guentó íderagua lumutiña Heowá, aba hagañeiruni wuribu.

Hosué 7:1-26; 8:1-29.



Álügüdahani burí

  • Katei san wügüri le lídanbei dibuhu ábuna fiú katei gebegiti le lanügübei Herikógiñe, ani kátaña ha íderagubalin?
  • Ka uagu sériu lubéi le ladügübei Akán hama lufamilia?
  • Ka lariñagubei Heowá dan le lálügüdünbalin Hosué ka lan uagu heferidirei ísüraelina wuribu kóntüra Ai?
  • Ka asuseredubei lun Akán hama lufamilia dan le hanügǘnbei ligibugiñoun Hosué?
  • Ka leksióun súdiniti wafurendeirubei lídangiñe le asuseredubei lun Akán?

Lanwoun burí álügüdahani

  • Aliihabei Hosué 7:1-26.

    Ka lafunranguagüdübei lafurieidun Hosué luagu lumadagua luma Bungiu? (Hos. 7:7-9; Sal. 119:145; 1 Huan 5:14.)

    Ka larufudubei lani Akán hénpulu, ani ka uagu seriwi lubéi woun keisi aban eweridihani? (Hos. 7:11, 14, 15; Ari. 15:3; 1 Tim. 5:24; Ebü. 4:13.)

  • Aliihabei Hosué 8:1-29.

    Ka kárugu wánibei kada aban wádangiñe luma adamurini hani kristiánugu uguñe weyu? (Hos. 7:13; Fad. 5:1; Ari. 28:13.)