Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Niliburun lánina abahüdaguni tídangiñeti Bíbülia

Abahüdaguni 34: Aban iseri éigini

Abahüdaguni 34: Aban iseri éigini

SUBUDITI san bun ka lan habudahabei gürigia múarugugiñe? Éigini haruti, ani fínuti kei poudá.

Ísüraelina abudaha maná

Sügühali kéiburi aban hati lúmagiñe háfuridun ísüraelina Ehiptugiñe. Lidanñanu fulasu mageirawati. Murusunrügüñein éigini áhüchüti ñein, aba hekeherun: ‘Buitimaati hamuga láfaraguniwa Heowá Ehiptu. Hóutiwaha sun le wabusenrubei.’

Ligíati lariñagunbei Heowá: ‘Náhuyagüda éigini siélugiñe.’ Ani ligíati ladügübei. Larugan binaafin, dan le harihini ísüraelina katei haruti le ábürühalibei, aba hálügüdagun hámagua: ‘Ka san le?’

Ariñagati Moisesi houn: ‘Anihán éigini le líchugubei Heowá lun ligíaba lan heiga.’ MANÁ hagúarun gürigia tun. Ítara liña tisemen kei durudia bürüraütu lautu maba.

‘Budala kada aban to gayara luboun eiga,’ liña Moisesi houn gürigia. Ligíati hadügübei sagü binaafin. Danti lásüdün Weyu, maná to múaruguboun aba tarürüdagun.

Ariñagati giñe Moisesi: ‘Ualá ni aban ígiruti tídangiñe maná lubá larugan.’ Gama lumoun ñéinñanu hádangiñe adüga hamuti. Subuditi san bun ka lan asuseredubei? Larugan binaafin maná to hareiduboun buin tiña hau héweraü aba tatatirun íngida!

Ariñagati Heowá lun lan habudun dóbuli maná aban weyu lidan dimaasu. Areida hagíame tídangiñe luagu lisisin weyu, ladüga mábürühaboun lan lidan lisedün weyu. Dan le hareidunbanu maná luba lisedün weyu, mabuinchutu hau héweraü ani míngiduntu! Ábaya milaguru!

Lidan burí sun irumu ligía manárügüñoun heiga ísüraelina, lidan fulasu mageirawati.

Áfuriduni 16:1-36; 1 Lúrudu 11:7-9; Hosué 5:10-12.



Álügüdahani burí

  • Ka san habudahabei gürigia ha lídanbaña dibuhu múarugugiñe, ani ida liña lagúahoun lun?
  • Ka san adundehani líchugubei Moisesi houn gürigia luagu tabudahoun maná?
  • Ka san lariñagubei Heowá houn gürigia lun hadügüni luagu lisisin weyu, ani ka uagu?
  • Ka san milaguru ladügübei Heowá dan le tareidún maná darí lisedün weyu?
  • Átiriñein san dan léigagüdüniña Heowá lumutuniña tau maná?

Lanwoun burí álügüdahani

  • Aliihabei Áfuriduni 16:1-36 luma 1 Lúrudu 11:7-9.

    Ka larufudubei Áfuriduni 16:8 luagu mégeiwa lan inebe hamá ha anúadirubaña lun halidihan lidan damuriguaü hani kristiánugu? (Ebü. 13:17.)

    Ida liña san haritaguagüdüniwa ísüraelina lidan fulasu mageirawati luagu Heowá lan hemenigibei? (Afu. 16:14-16, 35; 2 Lur. 8:2, 3.)

    Ka san sinbólu líchugubei Hesusu tun maná, ani ida liña huu tan “fein to siélugiñetu” woun? (Huan 6:31-35, 40.)

  • Aliihabei Hosué 5:10-12.

    Átiriñein irumu heigin ísüraelina maná, ani ida liña lóuchaguniñu katei le, kati wafurendeirubei lídangiñe abahüdaguni le? (Afu. 16:35; 1 Lur. 11:4-6; 1 Ko. 10:10, 11.)