Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Aganba huméi Bungiu ábame hawinwandun lun súnwandan

 FÁNREINTI 5

Óunwenbu Guran: ka aganbubalin Bungiu?

Óunwenbu Guran: ka aganbubalin Bungiu?

Gürigia lidan lidaani Noé adüga hamuti meha le wuribabei (Agumesehani 6:5)

Garahüñütiña meha Adán tuma Ewa, ábati hagibedagun gürigia ubouagu. Dan lárigiñe, aba húaradun fiú ánheligu luma Satanási lidan lebedaagun kóntüra Bungiu.

Aba hararirun siélugiñe, aba hasaliragun wügüriñame ladüga busén hamá hamarieidun hama würiña. Aba garahüñü hamá isaanigu wuribatiña ani héretiña sügǘ hau híbiri gürigia.

Aba meha labuinchun Ubóu hau gürigia wuribatiña. Ariñagatu Bíbülia: “Hanarime lan [meha] hariban gürigia ha ubouagubaña, luma giñe sun lan dan hasaminaruña hadügün katei wuribati”.

 Aganba lumuti Noé Bungiu, aba ladügün aban árüka (Agumesehani 6:​13, 14, 18, 19, 22)

Aban meha wügüri buiti Noé. Ariñagati Heowá lun lagumuchuba lan hau sun gürigia wuribatiña lau aban óunwenbu guran.

Ariñagati giñe lun, lun ladügün aban óunwenbu ugunei, to gíriboun árüka, belugüda láñame liduheñu hama sun hawuyeri animaalugu tidoun.

Wéridi lumutiña Noé gürigia luagu anite lan aban guran, gama lumoun maganbun hamuti. Hádangiñe aba héherahan, híbiri aba hagañidun.

Dan le tóunwebudunbei árüka, aba ládinagüdüniña Noé animaalugu tidoun.

Lanwoun ariñahani

UGANU BUITI LÚMAGIÑETI BUNGIU

Ka uagu lígira Bungiu lun ñein lan wuribani luma asufuriruni?

Ida liña lagumeserun wuribani? Ka uagu lígirei Bungiu? Lachülürüba san dan lun masufurirundigiaadiwa lan?