Keimon lidoun ariñahani

Keimon lidoun libiaman menú

Keimon lidoun tila

Gefentiña luagu Heowá

Garifuna

Le lunbei ladügǘniwa lidan adamuridaguni Habagari Kristiánugu luma Heseriwidun  |  Widü-hati irumu 2016

 WABAGARI KEISI KRISTIÁNUGU

Arufudaha waméi inarüni

Arufudaha waméi inarüni

Lúmagiñe lidan nefu-hati, ñeinbei aban iseri hénpulu lánina apurichihani gíriti “Arufudaha waméi inarüni” tidan ubanaü Le lunbei ladügǘn lidan adamuridaguni. Adügǘwati lun gayara lan wafuranguagüdün aban arufudahani tídangiñeti Bíbülia láurügü wadügün aban álügüdahani luma waliihan aban bérusu.

Ánhawa ariha busén lan gürigia lasigirun afurendeira, gayaraati wígirun somu agumeiraguagüdüni lun o warufudun aban lídangiñe bidéu le lídanbei páhina jw.org lun aranse wamaamugei üma lubaaya wagiribudun bisidei. Áfaagua wamá wagiribudun fiu weyu lárigiñe lun wasigirun adimureha luma. Lasagarúba iseri burí hénpulu lánina apurichihani le luma burí fánreinti le ichugúbei houn ha bürüwaañabaña tidan leskuela lídangiñe láguyuguagüdüniwa kapítulu burí le tídanbei líburu What Can the Bible Teach Us?, aban iseri líburu Kátima san to ménrenguntimati gunfurandawa tan (úatu lidan garifuna). Gayaraati wadarirun amu ariñahani luma burí bérusu tidan líburu Kátima san le gayaraabei líderaguniwa arufudahei inarüni táurügü Bíbülia dan le wíchugun aturiahani o wagiribudun bisidaña gürigia.

Ábanrügüñein üma anügütiña gürigia lidoun ibagari magumuchaditi (Mat 7:13, 14). Kei ámuñegueinarügü lubéi hafiñen gürigia ha únbaña wapurichiha luma ligaburi hagüriarún, mosu warufudahani inarüni le tídanbei Bíbülia houn lidan aban igaburi le achawaha lumutiña (1 Tim 2:4). Éibume wafurendeirun luagu ámuñegueinarügü tema le tídanbei Bíbülia buídutimabei warufudahani “uganu lánina inarüni”, hínsiñetimabei woun warufudahani ani buídutimabei lidin woun lidan warufudahani inarüni houn amu gürigia (2 Tim 2:15).